藍藍字語 AudioBlue

又見到成片嘅黃色安全帽、水砲車同連儂牆……不過今次係緬甸！可能你一路以為緬甸就淨係得一個昂山素姬，原來佢哋嘅年輕人都咁有抗爭意識！除咗泰式 Hunger Games三指手勢，香港都係緬甸抗爭者嘅學習對象？

緬甸軍事政變究竟係咩一回事？象徵住緬甸民主嘅昂山素姬名譽掃地，年輕人嘅抗爭點樣幫緬甸喺國際上扳回一城？一齊嚟了解吓呢個奶茶聯盟新成員啦！

透過 Patreon: Gwyneth Ho

支持我製作更多高質 Podcast！

好耐冇同大家見面嘅 Podcast 返嚟啦！今次同大家去最近風起雲湧嘅俄羅斯，連普京都驚到要出下策暗殺嘅反對陣營領袖 Alexi Navalny，原來竟然係靠 YouTube吸 fans？由德國返俄羅斯一落機就被拉入監房，點樣仲可以激起全俄羅斯100幾個城市嘅示威？

透過 Patreon: Gwyneth Ho

支持我製作更多高質 Podcast！

政府以防疫為名推出「安心出行 App」，搞咁耐都係得 30萬次下載；先強制餐廳要貼 QR code，下一步會做咩嚟加速監控全民？原來係打緊大家張八達通嘅主意！今集有數據科學家 黃浩華 嚟同大家一齊傾傾，究竟呢隻 App有幾多潛藏嘅資訊安全問題，又應該點樣防範 .\ / .

透過 Patreon @Gwyneth Ho

支持我製作更多高質 Podcast！

黃之鋒、林朗彥、周庭 621警總案，下星期三會正式判刑，但係喺上一次庭審，裁判官已經講到明會重。但更值得大家關注嘅係，究竟法庭會唔會透過今次呢一單案，進一步擴大「共同犯罪」概念，令將來更多抗爭者被入罪？

透過 Patreon @Gwyneth Ho

支持我製作更多高質 Podcast！

風起勇湧、蔓延全國嘅泰國學生運動，由今年初發展到而家，蔓延全國，街頭衝突背後，泰國嘅學生真「勇武」！今次抗爭同以往泰國嘅政局動蕩有咩唔一樣？

9月6、10月1前後，好多人討論緊香港嘅街頭何去何從，應該點打，甚至應唔應該繼續打落去。香港人十一國殤去行街，同一日，遠在歐洲嘅巴塞隆拿，亦都有好多未放棄加泰獨立運動嘅加泰人出咗嚟抗爭。舊年香港嘅 Be Water 抗爭戰略，透過 Twitter同國際媒體嘅報導，蔓延全球，當呢個香港人嘅特有抗爭模式，喺其他國家落地，會發展出點樣嘅新面貌？

舊年加泰抗爭最激烈嘅時候，我去咗巴塞隆拿現場，今次就將我喺加泰實地嘅觀察同大家分享 :)

12 位手足被送中已經 30日，至今音訊全無，中共會連家屬請律師都唔畀，從派出「官派律師」到抹黑幫手營救嘅朋友，背後有咩陰謀？建制派話家屬要聽聽話、唔好逆中共嘅意佢先會放手足，又係咪真？

今次 12手足送中案，香港人究竟點做好？我哋一齊傾吓。

《木蘭》喺片尾感謝新疆公安局同宣傳部門，令迪士尼成為美國政界嘅狙擊目標背後，華府對新疆問題出手醞釀已久；喺歐美民間，亦漸漸發展出杯葛《木蘭》嘅風潮，但竟然同劉亦菲同新疆無關？

今次《木蘭》喺美國引發嘅風波，同你詳細拆解！