LÄWEN MET GOTT

📖Jona 4:1-4 Dit jefoll Jona rajcht nuscht, un hee wort sea doll. Hee bäd toom HARN: HAR, es daut nich krakjt soo romjekomen, aus ekj tus aul docht? Krakjt wäajen dit, wia ekj soo leicht reed no Tarsis to foaren. Ekj wist du wieescht sea jenstich un deetst die leicht erboarmen; du best jeduldich un nich leicht doll met Menschen. Du best truhoatich leeftolich, un latst leicht no met strofen. Ekj sie saut vom läwen, HAR. Lot mie doch stoawen. Un de HAR säd: Waut halpt die daut, die soo to oajren?

👨‍💼Prediger: PETER ENS

📖Jona 3:4-6 Dän ieeschten Dach, aus Jona en Ninive nenn jinkj, roopt hee: Noch 40 Doag un dan woat dise Staut venicht woaren. De Lied en Ninive neemen Gott sien Wuat aun. See velangden, daut de Lied fausten sullen, un see trocken sikj aula Sakkjleeda aun, om to bewiesen daut an daut leet wia. De rikje deeden daut krakjt soo aus de oame. Aus see däm Kjennich von Ninive dit aula vetalden, jinkj hee vom Troon, neem sien Kjennichsrock auf un kjleed sikj en Sakkjleeda un sad sikj em Ausch dol.

👨‍💼Prediger: PETER ENS

📖Jona 2:1-3 Un de HAR schekjt eenen grooten Fesch, un dee schlukt Jona opp. Jona wia fa dree Doag, Dach un Nacht, em Fesch bennen. Un von doa em Fesch bäd Jona däm HARN, sienen Gott, aun un säd: En miene Noot, HAR, roopt ekj die aun, un du jeefst mie eene Auntwuat. Aus de Doot mie nämen wull, fruach ekj no Help, un du hieezhd mie.

👨‍💼Prediger: PETER ENS

📖 📖Jona 1:7-12 De Seemana eenijden sikj, daut see wudden een Loss trakjen om uttofinjen, wäa von an schuldich fa dit wia. Un daut Loss troff Jona. Dan fruagen see am: Wuarom sent wie en dise Jefoa? Waut es diene Oabeit? Von wua kjemst du? Von woon Launt un von woon Volkj? Un hee säd: Ekj sie een Hebräa un ekj bäd däm HARN aun, dee em Himmel Gott es. Hee haft daut Launt un daut Mäa jemoakt. Hee säd an uk, daut hee vom HARN wajchrand. Dan enjsten de Seemana sikj ferchtalich un säden: Woo kaust du soont doonen? Aus see sagen, daut de Storm bloos oaja wort, fruagen see am: Waut sell wie met die doonen, daut dis Storm emol nojäwen woat? Un hee säd: Nämt mie un schmiet mie em Mäa nenn. Dan woat daut stell woaren. Ekj weet daut dis Storm wäajen mie opp junt jekomen es.

👨‍💼Prediger: PETER ENS

👨‍💼Prediger: PETER ENS

📖 Jona 1:1-3 Doa kjeem emol een Dach, wua de HAR to Jona, Amittai sien Sän, räd. Un de HAR säd: Moak die reed, un go no de groote Staut Ninive, un woarn de Lied, daut see woaren jerecht woaren. Dee sent doa sea schlajcht, un ekj woa daut nich lang dulden. Oba Jona stunt opp un meend, hee wudd vom HARN wajch ranen un no Tarsis reisen. Hee jinkj no Jafo un funk een Schepp, daut no Tarsis säajlen wull. Hee betold sien Entretsjelt, jinkj opp daut Schepp un fua auf no Tarsis. Soo wull hee vom HARN wajchkomen.

👨‍💼Prediger: PETER ENS

📖1. Petrus 1:13 Doawäajen moakt june Hoaten frie von aules waut junt hinjren kunn, siet em denkjen kloa, un recht june Hopninj opp de Jnodengow, dee jie kjrieen woaren wan Jesus Christus kjemt.

👨‍💼Prediger: PETER ENS

📖 1. Petrus 3:7 Un jrod soo jie Maunslied, got veninftich om met june Frues, daut june Jebäda nich vehindat woaren, un denkjt doaraun daut see schwaka sent, un daut see jrod soo goot Aundeel aun de Jnod un daut eewje Läwen haben.

👨‍💼Prediger: PETER ENS

📖 Hebräa 2:18 Wiels hee selfst jeläden haft un vesocht worden es, kaun hee dee halpen, dee vesocht woaren.

👨‍💼Prediger: PETER ENS

📖Psalmen 26:8 HAR, ekj räakjen daut Hus väl, wua du wonst, un dän Plauz, wua diene Iea tus es.

👨‍💼Prediger: PETER ENS

📖 Reema 1:16-17 Ekj schäm mie nich met daut Evangelium von Christus. Daut es Gott siene Krauft, aul dee seelich to moaken, dee doaraun jleewen, ieeschtens de Juden, dan oba uk de Griechen. Daut wiest ons, woo Gott ons derch dän Gloowen jerajcht moakt, un woo de Gloowen emma toonemt, soo aus jeschräwen steit: “De jerajchta woat derch sienen Gloowen läwen.”

👨‍💼Prediger: PETER ENS