في بيوت كتير، فيه "بسمة" بتتعرض للضرب، للذل، وبتسكت... مش ضعف، لكن عشان العيب، وعشان الناس.

في الحلقة دي من "الدراما والقانون"، هنفتح باب اتقفل على صرخات كتير ما اتسمعتش.

مسلسل "فات الميعاد" مش مجرد دراما، ده مرآة لكل ست فكرت تخلع... وسكتت.

هنحكي عن الجواز الصوري، الضرب جوه البيت، الحضانة اللي بتروح لست مأذية، والقانون اللي ممكن يكون مع الضحية… أو ضدها.

دي مش قصة خيالية، دي الحقيقة اللي بتحصل حوالينا كل يوم.

لو يهمك تعرف إزاي القانون بيشوف الضرب، الخلع، والحضانة… اسمع الحلقة دي.

ويمكن تكتشف إنك مش بعيد عن القصة دي... يمكن تكون جزء منها.

هل القانون محتاج يبقى حكاية علشان الناس تفهمه؟في الحلقة دي من بودكاست "الدراما والقانون"، بناخد خطوة لورا ونسأل:ليه بنحب نشوف المحامي في التليفزيون؟وليه دايمًا القضايا بتتحول لمشاهد درامية؟هل الرواية بتبسّط القانون؟ ولا بتزوّر حقيقته؟وهل احنا بنفهم القانون لما نسمعه… ولا لما نعيشه جوّه مشهد؟

في نقاش شيّق بين الواقع والشاشة، بنفكّر سوا:هل الدراما بتخدم العدالة؟ ولا بتلخبطنا أكتر؟

🎧 استعدوا لحلقة فيها تأمل، تحليل، وتساؤل حقيقي عن علاقتنا بالقانون… والحكاية.

في أولى حلقات "الدراما والقانون"، هنسأل سؤال بسيط بس خطير: هل اللي بتشوفه في المسلسلات فعلاً بيعكس الواقع القانوني؟ ولا مجرد تمثيل؟ ولاء أشرف هتاخدنا في رحلة جديدة، نفهم فيها القانون من خلال الدراما، بلغة بسيطة ومن غير تعقيد. دي مش بودكاست قانوني تقليدي، دي دعوة نفكّر، نتفرج، ونتعلم... وده مجرد البداية