वासो हृत्वा दिनकरसुतासन्निधौ वल्लवीनां

लीलास्मेरो जयति ललिताम् आस्थितः कुन्दशाखाम्।

सव्रीडभिस्तदनु वसने ताभिरभ्यर्थ्यमाने

कामी कश्चित् करकमलयोरञ्जलिं याचमानः॥

इत्यनन्य मनसा विनिर्मितां वेङ्कटेशकविना स्तुतिं पठन् ।

दिव्यवेणुरसिकं समीक्षते दैवतं किमपि यउवतप्रियम्॥ ​

प्रत्यालीढ​-स्थितिमधिगतां प्राप्त​-गाढाङ्गपालिं

पश्चादीषन्मिलितनयनां प्रेयसीं प्रेक्षमाणः।

भस्त्रायन्त्र-प्रणिहितकरो भक्तजीवातुरव्यात्

वारिक्रीडा-निबिड-वसनो वल्लवीवल्लभो नः॥

लीलायष्टिं करकिसलये दक्षिणे न्यस्य धन्याम्

अंसे देव्याः पुलकरुचिरे सन्निविष्टान्यबाहुः।

मेघश्यामो जयति ललितो मेखलादत्तवेणुः

गुञ्जापीड-स्फुरित-चिकुरो गोपकन्याभुजङ्गः॥

चित्राकल्पः श्रवसि कलयन् लाङ्गली-कर्णपूरं बर्होत्तंस-स्फुरित-चिकुरो बन्धुजीवं दधानः। गुञ्जाबद्धामुरसि ललितां धारयन् हारयष्टिं गोपस्त्रीणां जयति कितवः कोऽपि कौमारहारी।।

जयति ललितवृत्तिं शिक्षितो वल्लवीनां शिथिल-वलय-शिञ्जा-शीतलैर्हस्ततालैः। अखिल-भुवन-रक्षा-गोपवेषस्य विष्णोः अधरमणिसुधायाम् अंशवान् वंशनालः।। Dr. C. Hariharan presents short episodes in this podcast series where great shlokas from Sanskrit literature can be listened with simple explanations.

महसे महिताय मौलिना विनतेनाञ्जलिमञ्जनत्विषे।

कलयामि विमुग्ध-वल्लवी-वलयाभषित​-मञ्जु-वेणवे॥ Dr. C. Hariharan presents short episodes in this podcast series where great shlokas from Sanskrit literature can be listened with simple explanations.

हृदि मुग्ध-शिखण्ड-मण्डनो लिखितः केन ममैष शिल्पिना। मदनातुर-वल्लवाङ्गना-वदनाम्भोज-दिवाकरो युवा।।

अखिलानवलोकयामि कामान् महिलाधीन-भुजान्तरस्य यूनः। अभिलाषपदं व्रजाङ्गनानां अभिलापक्रम-दूरमाभिरूप्यम्।।

अधराहित-चारु-वंशनालाः मकुटालम्बि-मयूर-पिच्छमालाः।

हरिनीलशिलाविभङ्गनीलाः प्रतिभास्सन्तु ममान्तिमप्रयाणे॥ ​

अनुयायि मनोज्ञ वंश नालैः

अवतु स्पर्शित वल्लवी विमोहैः ।

अनघ स्मित शीतलैरसौ माम्‌

अनुकम्पा सरिदम्बुजैरपाङ्गैः ॥ ११ ॥ image source google, text source harekrsna.de