Tveir tímar við tónleiki hjá nýggja amerikanska superbólkinum Muzz, føroysku Brimheim, Drab City, Bob Dylan, Hayley Williams og øðrum.

Tað kann væl vera, at koronafarsóttin hevur sett stóran part av heiminum á pausu, men skapanarmegin hjá tónleikarum ber ikki til at tøla soleiðis.

Hópin av nýggjum tónleiki kemur út, og í tveir tímar spæli eg nýtt úr so ymsum sjangrum sum latínamerikonskum tónleiki til rokk og til old school trip hop og house tónleik.

Tónleikur hevur altíð fylt nógv í stríðnum hjá littum amerikanarum móti rasismu og fyri borgararættindum.

Í sendingini spæli eg nakrar av bestu og mest týðandi mótmælissangunum gjøgnum tíðinar.

Njótið sendingina.

Ikki so nógv roks, bara hópin av góðum tónleiki.

Mangt skal mann hoyra, áðrenn av dettur oyra, men gospel tónleikur er á skránni í hesari serútgávu av LEITISSTEIN.

Nógv av tí besta tónleiki, ið er útgivin, er gospel tónleikur. Og í sendingini verða sangir við Bob Dylan, U2, Sufjan Stevens, Tom Waits og øðrum spældir.

Playlistin: "LEITISSTEIN goes gospel"

LEITISSTEIN er og vitjar Teit Lassen á Velbastað, sum er samvertur í sendingini. Tað merkir, at Teitur eisini velur tónleik, sum honum dámar, til sendingina, eitt nú við nøvnum sum Bibio, Jenny Hval, Perfume Genius og Low. 

Samstundis verða allir sangirnir á nýggju EPini hjá Teiti, "Modern Era", spældir. 

Tveir tímar av reinum tónleikanørdaríi og hugleiðingum við LEITISSTEIN & Lassen.

 

Playlistin til sendingina kann hoyrast her.

Fordómarnir um søldfirðingar eru nógvir. Terningar í bilrútinum, oljudálkaðar fingrar og permanentað hár og rokkur frá áttatiárunum í háltalaranum.

Men Jonna Gaardbo er undantakið, tí meðan koronakreppan hevur gjørt, at hon hevur sitið nógv heima, so hevur hon brúkt høvið til at finna nýggjan tónleik, sum hon hevur deilt við vinum á sosialu miðlunum.

Í sendingini spæli eg sjálvandi hópin av tónleikin hjá Kraftwerk, men eg fari eisini at elta ta tónlistarliguslóð, sum slóðbrótandi týski elektroniski bólkurin hevur lagt eftir sær á tónleikapallinum.

Ein rúgva av kendum tónleikanøvnunum standa í beinleiðis skuld til Kraftwerk, ið hevur veitt teimum grundleggjandi íblástur til teirra tónlist.

Til at hjálpa mær at hugleiða eitt sindur um týdningin, Kraftwerk hevur havt fyri populera elektroniska tónleikapallin, havi eg tosað við Knút Háberg Eystursstein, tónleikafrøðing.

Eiler Sørensen, sum ofta hevur verið samvertur í sendingini, samlar upp á plátur.

Í hesi útgávuni av LEITISSTEIN er plátusamlingin hjá Eileri tema.

Eg taki tilvildarligar plátur úr samlingini, sum Eiler so velur ein sang av.

Men nógvur nýggjur tónleikur er eisini á skránni.

Sangirnir, ið vórðu spældir, kunnu hoyrast á Spotify.

Korona hevur enn ikki tikið lívið av streyminum av nýggjum og góðum tónleiki.

Í hesari útgávuni av Leitisstein verður ljós varpað á tríggjar nýggjar útgávur hjá The Weeknd, The Strokes og Childish Gambino.

Men pláss verður eisini fyri at heiðra John Prine, amerikanska sangaran og sangskrivara, sum korona tíverri megnaði at taka lívið av.

Tveir tímar við spika hamrandi feitum tónleiki.

 

Sangirnir, ið vórðu spælir mánakvøldið, har tann síðsti stendur ovast.