Level up

Dat neitste Spill aus enger Serie, déi et elo scho bal 40 Joer gëtt. Fans aus der Serie fannen hei vill Saachen erëm déi ee kannt. Ronnebaséiert Kämpf an och eng Geschicht, déi gutt an d'Final Fantasy Welt passt.

Mam neie Grand Theft Auto féiert Rockstar Games d'Spiller zeréck op Vice City. Am fiktive Bundesstaat Leonida erwaarden eis eng méi lieweg Spillwelt, nei technesch Méiglechkeeten an eng Geschicht ronderëm Jason a Lucia. De Pierre Bellion kuckt, wat GTA 6 ze bidden huet an ob Rockstar de groussen Erwaardunge gerecht ka ginn.

De mëttlerweil schonn 18. Deel vun der Fire Emblem-Réi an et ass en taktesch Fantasy-Rollespill. De Krich tëscht der Mënschheet an der Arméi vum Balor,dem Dämonegott, geet verluer. Déi véier mächtegst Helden si verschwonnen an domat ass d'Welt um Enn. Mee d'Zäit gëtt zréck gedréint an et muss een déi véier Helde fanne fir d'Enn vun der Welt ze verhënneren.

An dëser Mëttelalter-Simulatioun baut een säin eegent Duerf op. Dobäi probéiert d'Spill relativ realistesch ze sinn. D'Joreszäiten hunn e groussen Afloss an e puer Technologië ginn och réischt mat enger gewësser Gréisst disponibel. Allerdéngs ass d'Spill nach net ganz fäerdeg, mee nach am Early Access. Eng gutt Geleeënheet quasi e Stéck bei der Produktioun vum Spill derbäi ze sinn.

Ëm d'Videospill-Serie wat et ronn 20 Joer laang roueg, elo ass awer en neit Spill erauskomm, wat der Serie nees neit Liewen anhaucht. De Julien Zigrand huet dat nei Spill aus der Actionspill-Serie gespillt a seet eis ob et sech lount.

Zesumme mat Frënn entdeckt een eng mysteriéis Insel a probéiert, eng Rei Rätselen ze léisen. Proximity Chat, Walkie-Talkien an aner Hëllefsmëttel maachen d'Kommunikatioun dobäi selwer zum Deel vun der Challenge. D'Resultat ass e relaxt, originellt a witzegt Indie-Spill, dat virun allem zesumme mat Kolleegen immens vill Spaass mécht.

Eng nei Versioun, mat besserer Grafik a Performance vum Spill aus der Aassasin's Creed Réi. Als Pirat Edward Kenway seegelt een hei duerch d'Karibik, begéint historesche Figure wéi dem Blackbeard an et gëtt een an de Konflikt tëscht Assasinen an Templer eragezunn.

Witcher 3 kritt eng remastered Versioun an och neie Contenu no 12 Joer, d'Erweiderung "Songs of the Past". Déi iwwerschaffte Versioun kennt den 29. September eraus an ass fir jidderee gratis, deen d'Haaptspill schonn op dem Computer oder enger Konsol hat. Den DLC soll nächst Joer kommen a bréngt ganz nei Geschichten a Missioune fir Witcher.

E Spin-Off vun der bekannter "Monster Hunter"-Rei. Par Rapport zum Haaptspill, jot een hei keng Monsteren, mee déi sinn Deel vum eegenen Team. Et sammelt ee se an et stierzt ee sech an dësem Videospill mat hinnen zesummen an de Kampf.

Dat neit Bond-Videospill ass e grousse Succès – zu Recht, fënnt den Yves Stephany.

D'Spill fillt sech un, wéi en interaktive Film. De Gameplay ass ofwiesslungsräich a kuerzweileg, D'Dialogen an de Voice Acting sinn um selwechten Niveau wéi déi besser Bond-Filmer. D'Geschicht ass spannend an hält ee bei der Staang.

“007 First Light” ass perfekt fir d'Waardezäit bis GTA 6 ze iwwerbrécken. Och fir Casual Gamer