Rudolf Joensen dugdi ikki at lesa, tá hann varnaðist Elvis Presley. Men tað vóru beatlarnir, sum veruliga vakti áhugan fyri heimspoppinum. Í sendingini verður eisini sagt frá bólkum sum Cream, Beach Boys, og Rolling Stones. Harumframt hoyra vit um Jógvan Brim, og Ólav Presley, sum leiddu gestin á leið í hesum nýggja heimi, har Top 20 hjá Radio Luxembourg og BBC Radio 1 høvdu týdning. Sending leygarkvøldið 3. apríl 2021 kl. 19.00, sum Jákup Magnussen skipaði fyri.