تعرف إن الكلب البلدي يعتبر من أذكى وأقوى وأقدم سلالات الكلاب في العالم كله؟آه والله يا صاحبي. دي مش فزلكة ولا جدعنة مني، ده كلام العلم والجينات والتاريخ.الكلب ده، اللي هو خليط عبقري من سلالات قديمة عاشت على أرض مصر من آلاف السنين.دمه فيه من الكلاب الفرعونية اللي كانت بتجري جنب الملوك، ومن كلاب السلوقي اللي كانت بتصطاد الغزلان.عنده مناعة من حديد، كأن جسمه واخد كل أمصال الدنيا وهو لسه في بطن أمه.وقدرة على التكيف مع أصعب الظروف ،تخلي أي كلب "ابن ناس" متربي على الحرير يبان جنبه عيل صغير بيعيط عشان لعبته ضاعت.بيقدر ياكل أي حاجة تقريبًا، من بواقي كباب لحد قشر البطيخ.ويعيش في أي مكان، من تحت كوبري الساحل ،لحد مدخل عمارة فخمة في الزمالك، مبيقولش لأ.وكمان بيفهم لغة الشارع ،ونظرات البشر وحركة رجليهم أحسن من أي عالم نفس في الدنيا.بيقدر يعرف من بصة عينك إذا كنت جاي تطبطب عليه، ولا جاي تحدفه بطوبة.ده مش مجرد كلب يا شكس، ده فيلسوف شوارع، وعالم اجتماع بالفطرة.