如果你覺得自己平時係地獄黑仔王🌚，今日聽完我嘅故事，唔知你仲會唔會咁覺得呢？😏

今集，我哋唔講成長，都唔講怪病，我哋直接跳去最肉痛💔、最刺激嘅戰場：『投資市場』。我呢個「明燈之王👑」將會公開那些年交過嘅「智商稅」。

我絕對唔係盲舂舂亂咁買，咩估值模型、基本面、RSI、保力加通道、甚至連江恩理論我都學過晒🧐，但再一次證明⋯⋯我係廢嘅😅。回顧我呢幾年嘅「精準避富血淚史🩸」，點憑實力成為「股海羅庚🧭」。

【本集肉痛亮點】

• 貨幣明燈💷：對澳元嘅「長情」，連匯率都感動❤️‍🔥唔到我，完美演繹咩叫「死守弱勢」⬇️。
• RM 的魔咒🏦：買入「穩陣」派息基金，結果一星期暴跌 30%！好唔容易成功「止蝕」，結果原本隻基金轉頭「爆升 50%」🚀，我買嘅唔係基金，係「攞嚟賤」😒。
• 日本股市💴「一日神操作」：日本嗰邊一句「講吓啫」🎌！我呢個「高瞻遠矚」嘅避富高手💸， 竟然捕捉到最低嗰點⇣，一日跌 20%，避開晒之後嘅大升浪🌊。這不是投資，這是藝術🖼️。
• 大笨象🐘﹠收息股：買入就唔派息，股價暴跌📉。我真係懷疑自己有種將好嘢變壞、壞嘢變更壞嘅特異功能⚡️。

【特別環節：為「股壇明燈」而設的平靜練習】（約 9:05 開始）

本集後半段，我哋將進行一場專為「韭菜」同「明燈」而設嘅冥想練習🧘🏻。等我哋暫時放低對股市嘅焦慮，將嗰啲「早知」同「肉赤」跟住呼吸呼出去，幫我哋受傷嘅心臟降降溫🪭。

🎙️Life Buddy 互動時間：

你有無試過「一賣即升📈」或者「精準踩雷💣」嘅慘慘豬🐷經歷？ 定係你都係隱世嘅散戶之神？ 歡迎喺評論區留言，分享你嘅「明燈」故事。等我哋一齊互相安慰，👀睇吓邊嗰先係真正嘅「反向財神」！

#LifeBuddy #廣東話Podcast #一齊散個靚步 #股壇明燈 #反向財神 #避富專家 #投資血淚史 #情緒管理實戰課程 #止蝕心境 #呼吸練習 #聽眾留言

你自己或者家人朋友，有無曾經有過啲「聽都未聽過」嘅怪病呢？

今集 Life Buddy 帶你去到一個充滿奇難雜症的「佛系」日常！一個係半夜發作，「自帶摩打腳」嘅「不安腿」，另一個係吃貨終極惡夢🤐 —「食食吓嘢個腮腫到好似含住個 McGriddles」！

聽我講吓點同呢班「蟻俠🐜」同埋「大腮怪」鬥智鬥勇，而最終選擇「和平共存🤝」嘅無奈的經歷。

【本集亮點】

• ​探討一下「不寧腿綜合症」（Restless Legs Syndrome）及「口水腺腫脹」好很科學嘅診斷過程，聽聽如何從「Google 達人」變身為「怪病界 KOL🧐」。
• ​體驗「半夜行屍走肉」嘅無奈，以及「有得睇👀無得食❌🍽️」🐟🦐🦀 嘅聚餐窘境！
• ​當身體「跳制」🚧，而醫學都束手無策時⚒️，點樣同唔完美嘅自己佛系共存🧘🏻？

【特別環節：隨心散步練習🚶🏻‍♀️】（約 8:45 開始）

聽完我呢兩個「奇難雜症」嘅血淚史，如果你身上都有啲搞唔掂嘅小毛病，今集尾段，我哋一齊做個短短嘅散步練習。暫時放低對身體嘅焦慮，一齊散個靚步，重新搵返當下嘅平靜。

🎙️Life Buddy 互動時間：

你有無都遇過一啲聽都未聽過、或者醫極都醫唔好嘅奇難雜症？最後你又係點樣同佢和平共處？留言💬話我知，等我哋可以一齊面對呢啲身體嘅「小叛逆」！

#LifeBuddy #廣東話Podcast #一齊散過靚步 #奇難雜症 #不寧腿綜合症 #口水腺腫脹 #怪病日常 #身體跳制 #與不完美共存 #佛系養生 #正念散步 #聽眾留言

哈囉 Life Buddy！今集我哋繼續「散個靚步」，回顧一段充滿「硬頸」同 「任性」嘅升學故事！

大家讀書係咪都算係一條直線？定好似我咁「曲折離奇」？

今日我用親身經歷話你知：點樣由自修、申請退學、全逃學，到最後竟然爬到入大學物理系，究竟可以幾「痴…線」？！🧐

近接上集「金毛尋回犬」嘅反叛期，中四五我繼續爆 Seed 咁玩，結果原校連Repeat 嘅位都唔肯畀我😆。

最後，我自己揸主意，full time 幫人補習、Part time 自修重考✍🏼。竟然，搵到間正常中學收我讀中六。

你係咪以為我「浪子回頭」呢？當時我都覺得自己會，但可惜⋯⋯原諒我是我！

• ​       入到中六，我依然繼續玩，點樣搞到老師哭笑不得😂？
• ​       中六下學期考 5 科有 3 科唔合格。學校建議（要求）Drop 科，我霸氣拒絕，直接 Drop 埋間學校！係咩驅使我做出咁「反叛」嘅決定？
• ​       退學之後，我點樣喺私校「放監」，全逃學，仲要幫人補習賺外快？係咪驚先？
• ​       最戲劇性嘅一幕，A-Level 放榜，點樣奇蹟地考入香港其中一間大學嘅物理系？

你話係咪 happy happy happy 呢？😆

依家睇返，如果我當年無堅持自己、又無選擇退學，

可能就無今日呢個「Life Buddy」同你講故仔。

證明咗人生嘅路從來唔係只有一條。有時行錯路，反而先睇到「更特別」嘅風景！

【特別環節：隨心散步練習🚶🏻‍♀️‍➡️】（約07:40 開始）

講完呢段熱血又混亂嘅青春回憶，

又係時候畀大腦停一停，暫時放低對未來嘅焦慮。

一齊散個靚步，用自己嘅節奏，感受當下。

🎙️Life Buddy 互動時間：

你讀書嘅時候又有無試過咩「非主流」嘅經歷？

或者做過啲好任性的決定？

留言同我分享吓，等我無咁唔正常！🤪

#LifeBuddy #廣東話Podcast #過山車求學史 #自修生經歷 #硬頸精神 #原諒我是我 #退學大師 #私校無政府狀態 #全職補習流浪記 #廢青翻身記 #包尾奇蹟 #正念散步 #一齊散個靚步

大家細個最驚嘅，會唔會唔係考試，而係聽到：「入房。」😶

今集 Life Buddy 繼續分享我個「曲折離奇」成長故事。

分享一段關於「嚴父」同「金毛」嘅奇幻回憶。

想當年，我同我阿哥稱得上係家裡嘅「化骨龍」同「破壞王」，每日都喺度挑戰老竇嘅底線：

- 碌架鐵床玩到爛，就食藤條豬肉🐽

- 食飯望多兩眼電視📺 或者 拎湯匙當乒乓波拍隔空開波🏓，就俾筷子🥢爆頭

仲有一套充滿儀式感嘅「等打流程」……

呢啲就係我童年嘅日常。😏

（ 溫馨提示：以下純屬童年血淚趣事分享，絕對唔係鼓吹或認同體罰喔！🙅🏻‍♀️）

雖然細個成日覺得老竇好嚴，但依家回想返，我哋兩兄妹當時真係「唔打唔鬆脆」。🤣

直到佢離開之後，

我人生突然開啟咗「冇王管 Mode」。🙈

於是……

我人生第一次漂金毛🧒🏼，

仲若無其事「金光閃閃」咁返學，

究竟最後有無成功過骨呢？

聽咗你就知。🤭

【特別環節：隨心散步練習🚶🏻‍♀️】（約 9:30 開始）

我哋心裡面，可能都住咗一個成日搞事嘅細路。

係時候俾呢個無時停嘅小朋友好好休息一陣。

一齊做一個短短嘅散步練習，

放低今日嘅疲倦，陪心裡面呢個小朋友，

慢慢行一陣。

🎙️Life Buddy 互動時間：

你細個最曳係做過咩？阿爸阿媽又用過咩「奇招」教訓你？

講道理？罰企派？定係同我一樣……

有一套完整流程？🤪

留言分享你最經典嘅童年黑歷史，大家一齊笑吓自己。😎

#LifeBuddy #廣東話Podcast #童年回憶 #嚴父 #藤條年代 #金毛事件 #曳仔曳女 #成長故事 #正念散步 #呼吸練習 #InnerChild #聽眾留言

大家係咪覺得出 Trip 好爽、好似去旅行咁？今日 Life Buddy 用血淚史🩸話你知：一條友開拓新市場，真係心血少啲都搞唔掂！

話說我之前提過嗰份工，成日要出差去澳洲，喺嗰個地大物博嘅地方，雖然我有車牌，但其實係「廢」嘅，每日就靠火車同我對黃金左右腳，行到腳跛👣去啲客屋企開會。

仲要遇到兩段「艷遇」?!

一個差啲車咗我去荒山野嶺⛰️；

另一個仲離譜, 食餐飯就收到「包養」邀請? 

(我當時真係呆咗！🙄)

事先聲明，我個樣絕對係唔會引嚟啲狂風浪蝶嘅，但點解會咁⁉️ 究竟呢啲係「艷遇」定「驚嚇」😱? 聽完你就知！

【特別環節：隨心散步練習🚶🏻‍♀️‍➡️】(8:30開始)

雖然而家講返好似好好笑，但坦白講，當時一條友喺外地，個心真係跳到砰砰聲。

今集尾段 (8:30)，我哋又一齊做個短短嘅練習，洗走生活嘅「騎呢」煩惱，重新搵返自己個靚步!

🎙️ Life Buddy 互動時間：

  你出 Trip 嘅時候，有沒有遇過咩荒謬或者難忘嘅「艷遇」？最後係開花結果定係嚇出冷汗？💦

#LifeBuddy #廣東話Podcast #出Trip奇遇記 #澳洲出差 #廢牌同盟 #霸道總裁大叔 #拒絕的藝術 #生意泡湯 #呼吸練習 #正念散步  #聽眾留言

喂，你中學嗰陣最癲做過咩？我中一上學期見家長，班主任已經叫我阿媽「幫你個女搵定另一間學校」😅

呢集 Life Buddy 同大家講吓我一段又衰、又廢、但都幾難忘嘅中學史 。由中一、二好似玩《職業特工隊》咁喺生死邊緣驚險過關，到中三面臨人生巨變，喺嗰段徹底「冇王管」嘅迷失日子入面，我竟然進化成全盛時期嘅曳學生 ：

• ​喺班房突然『拍』一聲開咗把遮☂️周圍行（好明顯班房無落雨 😆）
• ​上堂「咔嚓咔嚓」食薯片 
• ​拎埋 Canteen 堂食個膠碗返班房，老師講書，我就咁喺度「索麵」 
• ​將啲雞骨塞入同學個書包度

而家諗返都想打巴自己 🙄 

中三下學期，好彩阿媽幫我揾咗個補習老師，又俾我碌過咗。中四、五仲報咗個神級導師，就係會考教室嘅HL Tam，有無朋友仔都上過佢堂呢？

我究竟點樣由差啲被踢出校，可以去到物理科考80分以上？ BTW，會考宗教科，我起勢咁抄 Bible ✍🏼 ，神蹟竟然出現，我攞咗個F 😜 Yeah~

如果可以坐時光機返去，我最想同當年喺課室食麵嘅自己講：「喂，快啲食完麵 🍜，返去幫阿媽洗碗啦！」 

【特別環節：2分鐘隨心散步練習🚶🏻‍♀️】 (8:45 開始)

以前我覺得「靜」好難頂，但而家發現，可以同「靜」相處其實係一種享受 。如果你都好似我咁「無時停」、個腦好多嘢諗，今集尾段（8:45）你陪我嚟個 2分鐘嘅散步練習 ，行緊路或者坐喺度嘅朋友都可以一齊試吓。如果你趕時間，可以Skip 咗佢，好 Free 架 😎！

🎙️ Life Buddy 互動時間：

  你中學有無做過啲好荒謬嘅嘢？（例如上堂開遮 🌂） 留言話我知啦！

#LifeBuddy #廣東話Podcast #中學回憶 #上堂食麵 #班房開遮 #會考教室HL Tam #Physics #會考宗教科抄Bible #一齊散步練習 #聽眾留言

Hello 各位 Life Buddy！今集喺我哋「散個靚步」嘅時候，想同大家分享一件真係「樣衰」😬到爆嘅事！

你有冇試過悶到想嘔？唔係形容詞嚟㗎，係真係要衝入廁所嘔嗰隻！ 我，就係因為冥想冥到嘔！

做咗十幾年 Meditation，但都仲係 Beginner 級數嘅我，有次去禪修營🧘🏻，以為可以「脫胎換骨」。點知…人哋排毒，我就好似中毒咁，悶到個胃反晒上嚟，最後仲真係嘔咗出嚟！🤮

原來我個人就好似一部「長開嘅發電機」咁，根本坐唔定！但奇怪嘅係，咁辛苦，我竟然冇放棄！做咗十幾年都仲係 BB 班嘅我，雖然廢廢地🙄，但呢份「廢得嚟又堅持」嘅精神，其實都幾勁啊！

今集，我哋一齊探索：點樣同自己呢部「動態發電機」好好相處？點樣喺「坐唔定」嘅人生中，搵到屬於自己嘅風景？😎

Life Buddy 互動時間：

你哋有冇試過啲明知對自己好，但又難堅持嘅事？最後你又點樣同佢相處？留言話我知啦！

#LifeBuddy #冥想 #Meditation #悶到嘔 #坐唔定 #廢得嚟但堅持 #自我成長 #廣東話Podcast #幽默自嘲 #一齊散個靚步

今集Life Buddy 喺呢8 分鐘入面，我同拍檔分享咗一段至今難忘嘅歐洲職場驚魂記😵‍💫。係關於當年新入職一間公司，又唔識 Say No 🙅🏻‍♀️，仲要天真到以為『忍耐就係美德』嘅自己。

啱啱入職未夠一星期，就被派去德國出trip，點樣「唔知死」坐順風車。之後由瘋狂出trip，晚晚被迫講電話📞，忍受自己喺個『煙灰缸』🚬裡面呆坐，到最後被迫瞓廁所🚾，呢段經歷除咗搞笑，最主要係回想年輕嘅自己有幾咁「戇居」。

如果，你曾經都係一個『專業』得過火🔥，唔敢拒絕前輩嘅職場傻仔，或感受過職場嘅『無力感』，希望呢集可以畀到你一點安慰，我哋都曾『中伏』過。

雖然我又坐『煙灰缸』，又瞓廁所，你可能會笑我太天真，但我依然信相人間有情…不過都要記得『提子🍇 』囉。

Life Buddy 互動時間：

你哋有冇試過喺職場上「唔識 Say No」 ，或者有咩「提子」心得可以分享？留言話我知啦！

#LifeBuddy #職場小薯 #SayNo #職場無力感 #歐洲驚魂記 #廣東話Podcast #自我成長 #一齊散個靚步 #提子

哈囉，你好嗎？我係你嘅 Life Buddy。歡迎同我一齊「散個靚步」。

細個嗰陣，你有無試過覺得自己老豆老母嘅行為好「無厘頭」，甚至令你想搵窿捐？第一集，我想同你講一個關於「原地踏步」嘅故事。

** 本集散步亮點**

► 嗰封改變命運嘅「留班申請書」：點解老豆唔求升班，反而求留班？

►「大奸角」的反擊 ：原地踏步一年，反而令我衝入咗 Band 1 中學？ 

► 中年回望 ： 點解我話「原地踏步，其實都係向前行緊」？

** Life Buddy 互動提問**

聽完呢集，我想問吓你：你人生入面有無一個當時覺得好失敗、好「身不由己」嘅轉折，而家諗返轉頭，反而覺得係一份「好鬼筍」嘅禮物?

#LifeBuddy #原地踏步 #人生轉折 #老豆情信 #因禍得福 #廣東話Podcast #自我成長 #一齊散個靚步