Litiko letekuvuselelwa kwesimilo kuleli belibambe umhlangano wemalanga lamabili letama kutfola tindlela tekutfutfukisa imigomo yekukhishwa kwetiboshwa tiyocedzela tigwebo ngaphandle (parole). Lomhlangano lotsetse  emalanga lamabili bewubanjelwe ejele i Kgoshi Mampuru e Pitoli. Kuyicoca kabanti lendzaba simeme Ronnie Swart lowakhululwa nge-paruli.

Esigabeni setfu sekucubungula emabhuku namuhla sikhuluma ngelibhuku lelibhalwe nguConstance Mkomi lelitsi ":Zakwetfu". 

Sikhulu seligumbi letebunhloli ngebugebengu emaphoyiseni Jenene Dumsani Khumalo ngufakazi lotawulandzela nakuhlala likomishana iMadlanga Commission ngeMsombuluko. Loku kucinisekiswe ngusihlalo welikomishana jaji Mbuyiseli Madlanga nakaphetsa lilanga eBridgette Mabandla-Justice College ePitoli itolo. Jenene Khumalo lebekahola luphiko lemaphoyisa laphenya ngekubulawa kwabosopolitiki iPKTT ngulomunye walebakhulume ngaye kulelikomishana leliphenya tinsolo tenkohlakalo kanye nekungenelela kwetepolitiki emsebentini wetinhlaka temtsetfo. Jaji Madlanga ukucinisekisile kutsi Khumalo utawuba kulelikomishana ngeMsombuluko ekuseni....,

Letinye tinhlangano letiyincenye yekomidi yephalamende leyatfunywa kuphenya ngetinsolo letentiwa ngunkomishana wemaphoyisa aKwaZulu Natal Nhlanhla Mkhwanazi tikhatsatekile ngebudze beluhla labofakazi. Ngekusho kwaMkhwanazi kuletinsolo waveta kutsi emaphoyisa lamakhulu kufaka ekhatsi indvuna yemaphoyisa Senzo Mchunu basolwa ngenkohlakalo kanye nekwatana nalebasolwa ngebugebengu. Lilunga leActionSA Dereleen James uvete lenkulumo ngesikhatsi bakhuluma ngekuphotfulwa kwekuhlelwa kweluhla labofakazi....,.

Mengameli wenhlangano iOperation Dudula, Zandile Dabula utsi kubaniketa bumatima batali bebantfwana balelive lebagcina baswela tikhala tekufundza etikolweni talelive ngenca yekugcwala kwebantfwana lebavela ngaphandle kwalelive

Litiko lekuphepha kwemphakatsi kuvikeleka nekuchumana kulesifundza seMpumalanga belibamba Imbizo yekulwa nebugebengu enkhundleni yetemidlalo Elukwatini kumasipala weChief Albert Luthuli kulesifundza seMpumalanga. Simeme yena umphatsiswa walelitiko Jackie Macie kutokhulula ngebugebengu kulesifundza.

Namuhla umhlabawonke ubungata lilanga lekuhlela umndeni, iWorld Contraception Day, Kukhuluma kabanti ngalendzaba sicocisana nemhlelembisi lobuke tindzaba tabomake nebantfwana etikweni letemphilo kulesifundza seMpumalanga, Thembi Mdluli.

Umcondzisi welihhovisi letebushushisi iNPA KwaZulu Natal Elaine Harrison kulindzeleke avele ekomishaneni iMadlanga Commission ePitoli lamuhla. Kuvela kwakhe kulindzeleke kugcile kakhulu ngekuhlakatwa kweluphiko lemaphoyisa laphenya ngekubulawa kwabosopolitiki iPKTT lekusolwa kutsi lahlakatwa indvuna yelitiko lemaphoyisa Senzo Mchunu. Kwanyalo batsatfu bofakazi lebavete tinsolo tekungenelela kwetepolitiki kanye nenkohlakalo ngekhatsi kwetinhlaka tekusebenta kwemtsetfo. Lebavelile kulelikomishana bafaka ekhatsi nkomishana wemaphoyisa Fannie Masemola, nkomishana wemaphoyisa aKwaZulu Natal Nhlanhla Mkhwanazi kanye nenhloko yetemtsetfo emaphoyiseni Petronella van Rooyen.

 Indvuna yelitiko letekutfutfukisa tenhlalo kulelive Sisisi Tolashe itawube ihola tinhlaka tayo letifana neSASSA kanye ne National Developmental Agency (NDA) emkhankasweni wekubhalisa bantfu labeswele eDelmas kumasipala we Victor Khanye. Kuva kabanti elucingweni sinalokhululumela iSASSA kulesifundza seMpumalanga, Senzeni Ngubeni.

Umkhandlu lomelele bantfu besilisa i-Mens' Council South Africa ubita hulumende kutsi ente taba tekulwa nekuhlumeteka engcondvweni kwebantfu besilisa kulelive. Loku kulandzelwa sehlakalo lesenteke e-Thekwini lapho lijaha lelineminyaka lengema-21 kubikwe kutsi litijike ebhulohweni i-M19 dvute nase Mngeni Interchange. Kute sive kabanti ngalolubito samukela mengameli walomkhandlu Fikile Dyantyi.