Ndvunankhulu wesive semaZulu lokhishiwe kulesikhundla Thulasizwe Buthelezi utsi uve ngemitfombo yebetindzaba kutsi sewukhishiwe kulesikhundla kantsi usengakakhulumi neSilo Misuzulu kaZwelithini.  Simeme Njingalwati Sihawu Ngubane kutewubuka loludzaba.

Kudzilika kwelibhuloho kuholele ekuvalweni kwemgwaco losemkhatsini kweCarolina neCrissiesmeer kulesifundza seMpumalanga. Umphatsiswa welitiko letemisebenti yesive, temigwaco netekutfutsa, Thulasizwe Thomo utsi tinyenti tizatfu letingahle tibange kudzilika kwalelibhuloho letifaka ekhatsi kwekutsi selidzala kakhului kantsi nelitulu liyana.

Inhlangano letibita ngeMining Affected Communities United in Action (MACUA) ibita kwekutsi balekelelwe bakhishwe labavukuti labangekho emtsetfweni lebavaleleke emayini iStilfontein eNorth West. Lomelele iMACUA Sabelo Mnguni utsi akuphocelelwe lemayini beyigubha kuleyandzawo kutsi kube ngiyo lekhipha labavukuti labangekho emtsetfweni.

Intro: Inhlangano yebaholi bendzabuko kulelive i CONTRALESA itsi iyakwemukela lokucoshwa kwaNdvunankhulu wesive semaZulu, Umfundisi Thulasizwe Buthelezi. Mengameli walenhlangano Kgosi Mathupa Mokoena utsi Buthelezi wehlulekile kwenta umsebenti wakhe ngendlela lefanele. 

Esigabeni setfu  sekucubungula emabhuku, namuhla sitawube sikhuluma  ngelibhuku lelitsi "Found me while chasing after lost  donkeys" leibhalwe nguSbu Ngubane, lelibuke indzaba yekutfola ungumuntfu kanye nenjongo yakho yekuphila. Kepha lotalichaza kabanti nguye umbhali walo Sbu Ngubane.

Emaphoyisa ase Limpopo abophe indvodza leneminyaka lengema-28 ngelicala lekudlwengula umntfwana longephansi ngeminyaka (statutary rape). Loku kuta ngemuva kwekutsi intfombatane leneminyaka lelishumi nakutsaftu ibe ngulomunye walabomake lababeleke bantfwana ngelilanga lakhisimusi.. Sibalo semantfombatane lasemancane labeleke banftwana ngakhisimusi siyatfusa lekuholele ekutseni  kube nekukhala velonke. Kepha kuyibuka lendzaba njengobe nahulumende avakalise kukhatsateka  ngalesimo simeme indvuna ehhovisi lamengameli lebukene netindzaba tabo make, banftu labasha kanye nalabo labakhubatekile, Sindisiwe Chikunga.

Ngalesikhatsi semaholide akhisimusi bantfu labanyenti basibona njengesekutijabulisa kantsi tinyenti tindlela lebatijabulisa ngato. Esikhatsini lesiningi bantfu banatsa kakhulu tjwala ngalesikhatsi semnyaka, ikakhulukati lusha njengendlela yekutijabulisa. Ngekusho kwabosolwati ngetenhlalo kanyenti bantfu labasha bavame kuyengana bahudvulane ebusuku nasebungekhatsi. Kungako simeme litiko letemphilo kulesifundza seMpumalanga kutewukhutsata ngekutivikela ikakhulukati endzabeni yetemacansi. Sicocisene naMumsy Masuku.

Tiphatsimandla tase Mozambique titsi ligadze kutsi benyuke bugebengu kulandzela lutfutfuva lolucubuke ejele kanye nekweca kwetiboshwa enhlokodolobha iMaputo, lekushiye bantfu labangu-33 enkundleni kwalimala labanye labali-15. Letibhelu nalemibhikisho lecubuke kulelalive ilandzela simemetelo semkhandlu lobukele umtsetfo-sisekelo lesicinisekise kuphumelela kwenhlangano iFrelimo elukhetfweni lolusandza kubanjwa kulelalive.  Sicocisene nemhlatiyi wetindzaba tangaphandle Thulisa Ndlela.

Litiko letekuphepah kwemphakatsi, kuvikeleka nekuchumana eMpumalanga litsi kuthulile kuhamba kwetimoti emgwacweni ngalelilanga lakhisimusi kungefani nakulamalanga labendvulela khisimusi. Sicocisana nalokhulumela lelitiko Moeti Mmusi. Kanfsi simeme nalokhulumela emaphoyisa esifundza Brigadier Donald Mdluli kutewuva kuitsi basebente njani ekulweni nebugebengu kudzimate kube ngunyalo.

Njengoba sikumaholide ekujabula nekuphana, bakhona labo lebabukene netimo letigcwele lusizi ngenca yekushiywa ngulabo lebabatsandzako nalebebafisile kucitsa lamaholide babonkhe. Labanye lamaholide akhisimusi abavusela tinhlungu njengoba kungukhisimusi wekucala bawudla ngaphandle kwalabo lebasetinhlitiyweni tabo. Simeme i-clinical psychologist Mosese Mkhabela kutobuka kutsi ubukana njani nalesimo sekucitsa lamaholide kwekucala ngca, ngemuva kwekushonelwa nguloyo bewumtsandza.