Intsatseli yaka-SABC lehambele lemidlalo yemchudzelwano wemave emhlaba ebholeni letinyawo lese-Mexico Sifiso Ramara utsi bantfu base-N/A labahambele lemidlalo banelitsemba lekuncoba kweBafana Bafana. 

Umhlatiyi welibhola letinyawo lophindze awumemetele lomdlalo  emsakatweni Ligwalagwala FM, Sibusiso "SD" Mashabane  utsi ematfuba ekuphumelela kweBafana Bafana kulomdlalo wekuvulwa lomncintiswano wendzebe yemhlaba akhona kepha kutawuba matima.

Hulumende uhlela kuchibiyela imitsetfo lelawula kusebenta kwemabhizinisi lamancane ikakhulukati kubomasipala, iBusiness Licensing Bill. Simeme lisekela lendvuna yelitiko lemabhizinisi  lasakhasa  Jane Sithole kutosichazela ngaloku

Liposi lakuleive lememetele ibhodi lensha letawubukela kusebenta kwalo. Kuva kutsi lenye yetinyonyana takuleli iSAFTU iphawula itsini ngaloku, sikhulumisana neMnumzane Newton Masuku.

Livele phambi kwenkantolo yamantji wase-Komatipoort kulesifundza sase-Mpumalanga liphoyisa leliboshwe ngemuva kwetinsolo tenkohlakalo lapha emnceleni we-Lebombo lowehlukanisa iN/A kanye ne-Mozambique. Kutfola kabanti ngalendzaba, ichumana nalokhulumela ema-HAWKS kulesifundza, Magonseni Nkosi

Loyo lokhulumela lelikomishana i Madlanga i Madlanga Commission Jeremy Michaels, utsi lisekela lenhloko yeluphiko lwetinhloli emaphoyiseni, Major General Faroz Khan, utawuvela kulelikomishana mhlaka 1 July, kute atawutiphendvulela ngetinsolo letibhekiswe kuye. Kubuka kutsi ungubani loMajor General Khan futsi kubaluleke ngani kuvela kwakhe kulelikhomishana, sicele sati ngetebugebengu Dr Mxolisi Mathebula.

Likomishane iPublic Service Commission (PSC) livakalise kudvumala ngekukhotsama kweNkosi Enoch Makhosonke Mabhena II , wesive semaNdebele. Sikhulumisana nasihlalo walelikomishane, Njingalwati Somadoda Fikeni.

Inhlangano yemmango iKaBokweni Community Movement kulindzeleke ibambe umhlangano nemalunga emphakatsi kutewubonisana ngebantfu babangaphanel lebakulelve ngephandle kwemvumo. abhalane walenhlangano Mary Mochekoane uyachaza.

Umhlatiyi welibhola letinyawo Abel Mpika utsi lomdlalo wendzebe yemhlaba wekucala loyawubakhona emkhatsini kwe-Mexico neBafana Bafana uyawuba ngulolukhuni kakhulu.

Uyacala umchudzelwano wendzebe yemhlaba welibhola letinyawo lodlalelwa eMexico naseMelika namuhla. Kuyibuka kabanti lendzaba sikhulumisana nesati sepolitiki yemhlaba kanye nemdlalo welibhola letinyawo Professor Sibusiso Mazibuko kutsi ingabe iMexico ilive lelinjani, kantsi lona lelicembu linjani litababekaphi badlali be-Bafana Bafana.