Umholi wenhlangano ye-Congress of the People (COPE) Mosioua Lekota longasekho emhlabeni, uchazwe njengemholi lobekabatsandza kakhulu bantfu bakulelive, nalobekatinikele kakhulu ekulweleni emalungelo abo. Kubuka kafishane umlandvo wemphilo yakho sikhulumisene nasopolitiki losekangumnkantjubovu enhlangweni ye-ANC, Umnumzane Fish Mahlalela.

Mabhalane wenhlangano iSouth African Driving School Owners Association kulesifundza seMpumalanga, Phineas Sifundza utsi kutawukhulunywa ngetinsayeya letibukene nemalunga alenhlangano kulenkomfa yabo yavelonkhe lebatawube bayibambele kuso lesifundza.

Takhamuti takulesifundza seMpumalanga tivakalise litsembha ngenkulumo yebunjalo besifundza letawetfulwa nguNdvunankhulu Mandla Ndlovu ngekutsi itawuchamuka netisombhululo kuletinkinga lebabukene nato. Nonkululeko Shongwe uyasibikela... 

Iyacala namuhla inkomfa yavelonke yemalanga lamabili lebuke tindzaba tekungena nekuphuma kwebantfu eminceleni yalelive le Ningizimu Afrika. Lenkomfa lehlelwe likomishana lemalungelo eluntfu igcugcutelwe kukhala kwebantfu bakulelive ngalomtselela wekugcwala kwebantfu bekufika kuleli, ikakhulukati etindzabeni temsebenti, bugebengu netempilo kubala lokumbalwa. Kutfola kabanti ngalenkomfa sicocisana  na Aseza Gungubele lovela kulelikomishana.

Ndvunankhulu wesifundza seMpumalanga Mandla Ndlovu kulindzeleke etfule inkhulumo yebunjalo besifundza, State of the Province Address, kusishayamtsetfo salesifundza kusasa. Ngetulu kwaloko kuyobe kuvulwa ngalokusemtsetfweni nesishayamtsetfo sakulesifundza se-Mpumalanga . Kukhuluma kabanti ngalendzaba , sicocisana nasomlomo wesishayamtsetfo salapha e-Mpumalanga, Makhosazane Masilela.

 Inhlangano yemaloli i Road Freight Association icwayisa batsengi bakuleli kutsi batilungiselele kwenyuka kwentsengo yetintfo etitolo njengobe ikhula nentsengo yemafutsa etimoto. Loku kuta nje timakethe temhlaba tihlabe ngeluphondvo phasi ngenca yalemphi lese-Middle East. Kutfola kabanti kutsi kushoni lolokwenteka etimakethe futsi utaba yini umtselela wako ecingweni samukela solwati wetemnotfo umnumzane Makwe Masilela lovela enkapanini i Makwe Fund Managers ....

Litko letekuphepha kwemphakatsi, kuvikeleka nekuchumana eMpumalanga litsi ingetulu kwetinkulungwane letinge-62 imitselo yetimoti ledzinga kuvuselelwa kanye namalayisensi ekushayela latinkulungwane letingema-62 nemakhulu lamane laphelelwa sikhatsi.  Lelitiko likhutsatsa banikati betimoti kutsi bavuselele emalayisensi nemitselo yabo kuze babalekele lulaka lwemtsetfo njengoba kubangwe ephasikeni. Kukhuluma ngalendzaba elucingweni sichumana nalokhulumela lelitiko letekuphepha kwemphakatsi, kuvikeleka kanye nekuchumana Moeti Mmusi

Loyi bekangumengameli wenhlangano yebakhi, i-Master Builders South Africa, Musa Shangase utsi kubalulekile kutsi bahloli betindlu letakhiwako bacinisekise kutsi tiphephile usachubeka umsebenti wekwakha. Loku kulandzela kudzilika kwesakhiwo eJozi lesendlule nemphefumulo webantfu labayimfica. Shangase uyayichaza lendzaba.

Imvula lenkhulu ishiye idale umonakala eMattafin dvute nelidolobha leMbombela kulesifundza seMpumalanga. Palesa Sotomela uyabika

Kulindzeleke kutsi bashayeli timoti bengene kakhuli emakhikhini nabatsela emafutsa etimoto kulenyanga njengobe iyakhuphuka intsengo ngaLesitsatfu. Kukhuluma ngalendzaba nekutsi lemphi lese-Middle East itawube nemtselela longakanani kulesimo, sichumana nasihlalo welikomiti lelibuke umcebo lombiwa waphansi netivutsisi ephalamende, Mikateko Mahlaule.