Intro

Lelikomishana letebatsengi  kulelive licwayisa batsengi kutsi bajikise imikhicito letsite ye-Butternut Peanut Butter ne Chocolate Peanut. Loku kuta ngemuva kwekutsi kutfolakale kutsi lemikhicito inebutsi lekutsiwa yi- Aflatoxin. Kuva kabanti ngalendzaba sicocisana nalokhulumela likomishana lebatsengi kuleli, National Consumer Commision,  Phetho Ntaba...

Kulindzeleke kube nemboniso welifilimu leliyi-documentary lelitsi Dear Sikhonkwane. Le-documentary ikhuluma kabanti ngemphilo yaStephen Sikhonkhwane Mahlalela lebekangumbhali wemabhuku eSiswati. Kukhuluma ngale-documentary, simeme umhleli nemdidiyeli wayo,  Sihle Hlophe...

Kubungata lelilanga lemsakato sikhulumisana nalomunye lowake waba yintsatseli ehhovisini lwabuye waphatsa tinhlelo  letisematseni kuLigwalagwala FM ngephansi kwe-SABC eMpumalanga, George Mthethwa lesikhuluma nyalo sewuphetse tekuchumana kuhulumende wesifundza.

Mengameli Cyril Ramaphosa ubalule sifo sematelo njengenhlekelele levelele lelive, kantsi kubikwa kutsi sifundza seMpumalanga ngiso sekucala lesihlaseleke kakhulu. Dokotela wetilwane etikweni letekulima kulesifundza seMpumalanga Bheki Cele utsite lesifo sikhahlamete kakhulu masipala wase-Dipaliseng  labatsite eGert Sibande.

Namuhla umhlaba wonke ugubha lilanga lemsakato iWorld Radio Day ngaphansi kwesicubulo lesitsi 'Umsakato kanye nebuhlakani bekwakhiwa iArtificial Intelligence.' Lelilanga  lekubungatwa kwemsakato lasungulwa ngumhlabuhlangene ngemnyaka wa2012 kuhlonipha indzima ledlalwa ngumsakato etimphilweni tebantfu kanye nekuba livi lebantfu. Thato naZandile Nkosi bayabika

Takhamuti taseBarberton kumasipala weMbombela kulesifundza seMpumalanga timashele emahhovisi amasipala tikhala ngemanti. Letakhamuti tisola lomasipala ngekuhluleka kuphakela uMjindi ngetinsita kusukela lomasipala wahlanganiswa neMbombela kwasungulwa iCity of Mbombela. Palesa Sotomela uyenaba

Lokhulumela litiko letemfundvo kulesifundza seMpumalanga Gerald Sambo utsi sicuku semalunga emphakatsi eKwaggafontein singene sasesha bafundzi saphindze sabatsatsela nemphahla yabo. Sambo utsi kuphambana nemtsetfo kungena kwemalunga emphakatsi ayosesha bafujndzi esikolweni.

Takhamuti tase Marite eBushbuckridge, kulesifundza seMpumalanga tifuna hulumende angenelele kulenkinga yagesi kanye nekuswelakala kwemanti. Letikhamuti betivale umgwaco lomkhulu iR40 ngemaloli, njengobe titsi sekuphele tinyanga letimbili inkapani lephakela gesi iEskom yehluleka kubalungisela i-transformer. Michael Mdluli uyabika...

Mengameli Cyril Ramaphosa utsi utawutfumela emasotja kuyolwa nemacembu etigebengu kanye nelabemba timayini ngalokungekho emtsetfweni etifundzeni iGauteng neNshonalanga Kapa. Simeme solwati wetindzaba tebugebengu Dr Mxolisi Mathebula kutewuva yena kutsi uyive njani lenkhulumo yamengameli ikakhulukati kutebugebengu.

Bosolwati betemphilo batsi emazinginga ekushisa laphakeme kakhulu anematfuba ekuba nemtselela lomubi emphilweni yemuntfu. Batsi ngalesinye sikhatsi kushisa kakhulu kwelilanga kubanga kugula lokufana ne-heat stroke. Kutfola kutsi simo  lesinjani  lesi nekutsi singativikela njani kuso, simeme umphatsi weligumbi  letifo letingemahlalakhona etikweni letemphilo eMpumalanga, Fredah Khandabila.