INTRO: Ibhodi lebuke kusetjentiswa kwetilwimi kulelive i-PanSALB seyisukumise umkhankaso lobitwa nge-Language Activism Campaign njengencenye yekukhutsata kusetjentiswa kwelulwimi lwelibele. Ngekusho kwePanSALB lomkhankaso uhlose kukhutsata kucocisana kwesive kanye nekwesekela tinjongo te-International Decade of Indigenous Langauges, letibophelele ekuletseni lubumbano nekuvana emiphakatsini. Kepha kutotasitjela kabanti ngalomkhankaso i-Language Activism Campaign, sichumana nasihlalo walebhodi Njingalwati Lolie Makhubu-Badenhorst

Emaphoyisa esifundza seMpumalanga bekamatasatasa kulemphelasontfo lesiphuma kuyo, njengobe kudzingeke ayotakula bantfu lebebadvwe tinhlanti edamini lapho bashaywe ngumbane kwashona munye. Sicocisana nalokhulumela emaphoyisa esifundza Colonel Jabu Ndubane.

Umndeni waseNkomazi ufuna kubona kwenteka bulungiswa kulandzela tinsolo letitsi babe wentfombatana leneminyaka lengema-24 nakune uyigagadlele sikhatsi lesidze isakhula kantsi nyalo kusolwa kutsi sewugagadlela nemtukulu wakhe. Motsebi wa Monareng uyasibikela..

Bosolwati bagcugcutela bantfu kutsi babuke letinye tindlela tekucosha likati etiko njengoba ematfuba emsebentini ayindlala kulelive. Sikhulumisana na-Memory Mamba loyi-Life Coach kutochushisa bantfu ngetindlela labangatilandzela kwetama kucosha indlala.

Bahlali base-Mooiplaas ngase-Lukwatini batsi sebafile kuhlushwa tindlovu letifohla esiciwini setinyamatane i-Songimvelo.  Motsebi wa Monareng uyasibikela

Sewesulile kulesikhundla sakhe lokhulumela inyonyana i-NUMSA Phakamile Hlubi Majola. Hlubi Majola usula ngesikhatsi lapho lenyonyana itilungiselela inkomfa yavo yavelonke lekulindzeleke  ibanjwe ngasekupheleni kwalomnyaka. Kuyibuka lendzaba simeme solwati wetindzaba tetisebenti Bukani Mngoma.

Sigcawu lebesiholwa lijaji leselatsatsa umhlalaphasi, Jaji Bernard Ngoepe, sitfole mengameli wemajaji e- Mpumalanga Kapa Selby Mbenenge ete licala lelingenta kutsi alahlekelwe ngumsebenti. Mbenenge bekasolwa ngekuhlukumeta ngekwelicasi mabhalane wakhe waphambilini Andiswa Mengo. Utfolwe nelicala lekutsi waba nebudlelwane na Mengo ngekumtfumela imilayeto ngetemacasi. Kusibuka kabanti lesincumo, sikhulumisana na- Mbekezeli Benjamin lophumaku Judges Matter.

Bosolwati ngekutiphatsa kwetisebenti emsebentini bacwayisa ngekutsi nangabe ufake sicelo sekufuna umsebenti kubalulekile kwati kabanti ngalenkapani lofuna umsebenti kuyo, kufika ngesikhatsi nawubitelwe i-interview kanye nekugcoka ngendlela lezitsiule nawubitelwe i-interview. Simeme Patricia Mathabela longumcondzisi wenkapani lebukene netekucashwa kwebantfu kanye nekusentjetiswa kwetimali i-Mewaka kutosibonisa kutsi situlungiselela njani letinkundla lekumele siyovela kuto kuze sitfole umsebenti.

Sikhulumisana nadokotela wemehlo, Dr Xolisile Zungu ngesifo se-Glaucoma. 

Namuhla eluhlelweni lwetfu simeme umphatsiswa wetemisebenti yesive, temigwaco netekutfutsa, Thulasizwe Thomo kutewukhuluma kabanti ngeluhlelo lekutfutswa kwebafundzi, i-scholar transport.