Timbobo temuhlwa titsi live lase-Melika selincume kutfumela lotalimelela kulengcungcutsela yemave e-G20. Phambilini mengameli waseMelika Donald Trump wamemetela kutsi angete bahlanganyele kulengcungcutsela. Sicocisene nemhlatiyi wetindzaba temave emhlaba, Thulisa Ndlela.

Umphatsi wesilulu semabhange iReserve Bank, Lesetja Kganyago umemetele kutsi intalo yemalimboleko itawehla nga-25 basis points..Kubuka umtselela walesimemetelo sikhulumisana nasati setemnotfo lesiphuma enkapanini Inkunzi Wealth Group, Lunga Mahlaba.

Njengoba lelive le-Ningizimu Africa selicalile ngemihlangano leyendlalela lengcungcutsela lenkhulu yemave eG20, banyenti labatibuta kutsi ibaphetseleni lencono lengcungcutsela. Labanye babo bosomabhizinisi labasakhasa labawubuke ngalabovu lomhlangano lotawuhlanganisa emave lanotsile nebalingani bawo. Simeme lisekela lendvuna yelitiko letemabhizinisi lasakhasa, Jane Sithole, kutewuva kutsi batawuhlomula njani bosomabhizinisi kulenkomfa.

Hulumende usayinde sivumelwano setemandla neJapan emhlanganweni weB20 loyincenye yesandlalelo semhlangano lomkhulu weG20.  Kutisichazela kabanti ngalesivumelwano, simeme lokhulumela litiko letagezi kuleli, Tsakani Khambane.

Tinhlangano letingasebenteli inzuzo letinakekela bantfu lebanesifo se TB kanye neligciwane leHIV  ticela baholi bemave emhlaba kutsi babeke embili kubukw akwetindlela letincono tekwelekelela ngetimali tekwelapha sifo sesifuba iTB. Mkateko Chauke usihlanganisele lombiko lesiwetfulelwa nguVusi Shongwe.

Umcwaningi weligumbi letindzaba kaSABC Velsmseni Mthiyane utsi lomsakato wesive sewume ngemumo kusakatela umhlaba kusuka nekuhlala kwalengcungcutsela yemave eG20.

Umtimba lolawula imikhicito yemitsi yetekwelapha kulelive i SAHPRA, utsi utfole tinkapani letinyenti letikhangisa imitsi lengakavunyelwa ngulomtimba kutsi ingatsengiswa. I SAHPRA incusa batsengi kutsi bacaphele nabatsenga imitsi yekwehlisa umtimba, ikakhulukati letsengiswa online. Sikhulumisana na-Dr Prudence Buthelezi kutewubuka bungoti bekusebentisa imitsi lengakavumeleki ngenhloso yekufuna kuba ncama.

Kubikwa thishela wakulesifundza seMpumalanga lowemiswae emsebentini ngasekucaleni kwalomnyaka ngetinsolo tekugagadela umfundzi waka Grade 9,  usekhona ku WhatsApp group yebafundzinkantsi ugcine sekatsintsana nalomunye waletisulu. Ngekusho kwemtfombo wetindzaba i-The People's Eye, lothishela uchumene nalomunye umfundzi wentfombatana lofundza Grade 12,  wamsongela ngekutsi utawumtsatsela tinyatselo temtsetfo ngemuva kwekutsi bafundzi bamangaliswe kuva imibiko letsi lothishela angahle abuye nakusuka umnyaka lotako. Kukhuluma kabanti ngalendzaba asemukele, Sizwe Sama Yende, loyintsatseli neMhleli lomkhulu we-The People's Eye.

Inhlangano i South African Responsible Gambling Foundation ivakalise kukhatsateka ngekwenyuka kwelinani lebantfu labasha lasebatinikele kumkhuba wekugembula (addicted). Ngakulolunye luhlangotsi, sitatimende lesakhishwa litiko letemphilo kulomnyaka lophelile sevakalisa kudvumala ngekwenyukela kumaphesenti lalishumi nesihlanu ebantfu lebakhonte noma lebaphila ngetidzakamiva. Sicocisana nemeluleki wengcondvo Moses Mkhabela ngaloludzaba.

Kuvakala kwekutsi sekun alenye inkapani lefuna kumikisa enkantolo lendvodza leyacamba ikPlease Call Me, Nkosana Makate kulandzela kufinyelela kwakhe esivumelanweni neVodacom. Simeme umetfuli wetindzaba tebuchwepheshe enyuvesi iDUT Sphumelele Zondi kutewubuka loludzaba.