Seo chugaibh an dara eagrán de Giob Geab Gaelbhratach, a thugann léargas ar an scéim seo do scoileanna ar fud na tíre a chuireann an Ghaeilge chun cinn, ó pheirspictíochtaí difriúla.

San eagrán seo labhraíonn Kathryn agus Ella le Líosa Breathnach, múinteoir iar-bhunleibhéal Gaeilge agus Gearmáinise, atá páirteach sa scéim Gaelbhratach le 10 mbliana. Labhraíonn Líosa faoin tábhacht a bhaineann le cumhacht na ndaltaí agus iad a chumasú, faoin tábhacht a bhaineann le comhoibriú le daltaí agus le múinteoirí eile, agus ar na dúshláin a bhaineann leis an scéim, agus conas iad a shárú. Leagann sí an-bhéim ar an fhoghlaim de réir a chéile.

Cloiseann muid san eagrán seo freisin guth an phobail ar an gceist: Cén dóigh ar féidir daoine le Gaeilge líofa a tharraingt le chéile le daoine atá ag foghlaim?

Míle buíochas le Líosa, Daithí, Pádraig agus Gemma.

Lean Gaelbhratach ar Instagram @gaelbhratach TikTok @gaelbhratach agus Twitter @Gaelbhratach10

Tá Gaelbhratach á reáchtáil ag Gael Linn le maoiniú ó: Foras na Gaeilge, An Roinn Oideachais, An Roinn Turasóireachta, Cultúir, Ealaíon, Gaeltachta, Spóirt agus Meán, tríd an Crannchur Náisiúnta agus an Straitéis 20 bliain don Ghaeilge.