Loftslagsdæmið

Í þætti dagsins kynnumst við Hvanneyrarfjölskyldunni og Hafnarfjarðarfjölskyldunni. Báðar hafa þær einsett sér að minnka kolefnissporið um fjórðung á tveggja mánaða tímabili. Arnhildur heimsækir þær ásamt Stefáni Gíslasyni og Birnu Hallsdóttur, sem ætla að reikna kolefnisspor fjölskyldnanna, þau skoða neysluvenjur þeirra og lífsstíl og ræða um loftslagsáhrif kerta, hunda, hitaveitu og rafbíla, svo dæmi séu nefnd.

Umsjón: Arnhildur Hálfdánardóttir.

Í þessum fyrsta þætti heimsækjum við tvær af þeim fjórum fjölskyldum sem taka þátt í Loftslagsdæminu. Önnur býr í Reykjavík, hin á Akureyri. Með Arnhildi í för eru Stefán Gíslason og Birna Hallsdóttir, sérfræðingar hjá ráðgjafarfyrirtækinu Environice. Þau skoða neyslu fjölskyldnanna og ofan í kjölinn og ræða meðal annars um hraðtískurisa, sódastrímtæki og taubleyjur.

Umsjón: Arnhildur Hálfdánardóttir.