ថ្ងៃនេះ ​នៅ​កណ្តាល​ក្រុង​ភ្នំពេញ​ ភ្លៀង​​ខ្លាំងដូច​គេ​ហែក​មេឃ ហើយ​នៅ​តាម​ខេត្ត​មួយ​ចំនួន​ ក៏​ត្រូវ​លិច​លង់។ លោក ចាន់ យុត្ថា អ្នក​នាំពាក្យ​ក្រសួង​ធនធានទឹក និង​ឧតុនិយម ​បញ្ជាក់ថា ភ្លៀង​ប៉ុន្មាន​ថ្ងៃមកនេះ គឺគ្មាន​គ្រោះថ្នាក់អ្វី​គួរ​ឲ្យ​ព្រួយ​បារម្ភ​ធ្ងន់ធ្ងរ​នោះទេ។ ឆ្លើយ​តប​នឹង​សំណួរ​របស់​វិទ្យុបារាំង លោកពន្យល់​ពីមូលហេតុ​នៃ​ភ្លៀង​ដ៏​ខ្លាំង​ក្នុង​រដូវ​ប្រាំ​ង​​នេះ។ ទន្ទឹមនេះ លោកបាន​ឲ្យដឹង​ថា រដូវ​បុណ្យ​ចូលឆ្នាំ​ប្រពៃណី​ខ្មែរនេះ អាច​នឹង​មាន​អាកាសធាតុ​ត្រជាក់​ជាង​ឆ្នាំមុនៗ។