សមាគម​អ្នក​វាយ​តម្លៃ និង​ភ្នាក់​ងារ​អចលន​វត្ថុ​កម្ពុជា បាន​ជ្រើស​រើស​ប្រធាន​ថ្មី​ហើយ កាល​ពី​សប្តាហ៍​មុន ដើម្បី​បន្ត​ដឹក​នាំ​សមាគម​នេះ​នៅ​ក្នុង​អាណត្តិទី៦​។ លោក ច្រឹក សុខនីម នាយក​ប្រតិបត្តិ​ក្រុម​ហ៊ុន Mekong Brokerage និង​ជា​អគ្គ​នាយក​ក្រុមហ៊ុន ២១st Century Mekong ត្រូវ​បាន​ជ្រើស​រើស​ជា​ប្រធាន​ថ្មី​។ ក្នុង​អាណត្តិ​ថ្មី​នេះ លោក ច្រឹក សុខនីម នឹង​បន្ត​ដឹក​នាំ​សមាគម ឲ្យ​មាន​ភាព​រីក​ចំរើន​បន្ថែម​ទៀត និង​កែ​លម្អ​នូវ​ចំណុច​ខ្វះ​ខាត​មួយ​ចំនួន ដែល​អ្នក​ដឹក​នាំ​មុនៗ​នៅ​មិន​ទាន់​បាន​បំពេញ​។