នៅ​ថ្ងៃ​នេះ សកម្មជន​ការពារ​បរិស្ថាន​ពីរ​រូប គឺ​លោក​ហ៊ុន​ វណ្ណ: និង​លោក​ឌឹម គុនឌី ត្រូវ​បាន​ដោះ​លែង​ឲ្យ​មាន​សេរីភាព​វិញ​ហើយ បន្ទាប់​ពី​ស្ថិត​ក្នុង​ពន្ធនាគារ​រយៈ​ពេល​៥​ខែ តាម​ការ​កំណត់​ទោស​របស់​តុលាការ​ខេត្ត​កោះកុង។ ដូច្នេះ​នៅ​រាត្រី​នេះ លោក​ឌឹម គុនឌី គឺ​ជា​ភ្ញៀវ​ប្រចាំ​ថ្ងៃ​របស់​យើង។ ឆ្លើយ​តប​នឹង​សំណួរ​របស់​វណ្ណ សុគន្ធា លោក​ឌឹម គុនឌី បាន​អះអាង​ថា​ ទោះ​បី​ជាប់​គុក​៥​ខែ​ក៏​ដោយ ប៉ុន្តែ​វា​មិន​អាច​ផ្តាច់​ឆន្ទៈ​របស់​លោក​ក្នុង​ការ​ការពារ​បរិស្ថាន​នោះ​ឡើយ។ លោក​ប្តេជ្ញា​ថា នឹង​នៅ​តែ​បន្ត​សកម្មភាព​បរិស្ថាន​ដូច​មុនៗ​ដដែល។