នា​ថ្ងៃ​ទី​១​នៃ​យុទ្ធនាការ​ឃោសនា​បោះ​ឆ្នោត​ជាតិ អាណត្តិ​ទី​៦​នេះ ​វិទ្យុ​បារាំង​អន្ដរជាតិ បាន​អញ្ជើញ​លោក គង់ មុនីកា ប្រធាន​គណបក្ស​ឆន្ទៈ​ខ្មែរ មក​ពន្យល់​លោក​អ្នក​ស្ដាប់​អំពី​គោលនយោបាយ​របស់​គណបក្ស​។ នៅ​ក្នុងបទ​សម្ភាស​ជាមួយ RFI លោក គង់ មុនីកា បាន​លើក​ឡើង​ថា ការ​អភិវឌ្ឍ​សម្រាប់​ទាំង​អស់​គ្នា គឺ​ជា​គោលនយោបាយ​អាទិភាព​មួយ​របស់​គណបក្ស​ឆន្ទៈ​ខ្មែរ ដែល​នឹង​ប្រឹង​ប្រែង​សម្រេច​ឲ្យ​ទាល់​តែ​បាន នៅ​ពេល​ដែល​គណបក្ស​នេះ​ឈ្នះ​ឆ្នោត​។