រយៈពេល​៣​ថ្ងៃ ​នៃ​ព្រះ​រាជ​ពិធី​បុណ្យ​អុំ​ទូក ​បណ្តែត​ប្រ​ទីប​ សំពះ​ព្រះ​ខែ ​និង​អក​អំបុក ​នេះ ​ក្រុមហ៊ុន​គ្រប់គ្រង​និង​ប្រមូល​សំរាម ​«​ស៊ីន​ទ្រី​» ​បាន​ប្រើប្រាស់​រថយន្ត​សម្រាប់​ដឹក​សំរាម​នៅ​ក្នុង​ខណ្ឌ​ទាំង​៤​ ចំនួន​៥០​គ្រឿង​ រទេះ​អូស​សំរាម​១០០​គ្រឿង ​និង​កម្មករ​ជិត​៥០០​នាក់​។ ​លោក ហៀ​ប ​សា​គុណ ​តំណាង​អ្នក​ប្រតិបត្តិ​ការ​សម្អាត​ក្រុង ​នៃ​ក្រុមហ៊ុន​ស៊ីន​ទ្រី ​ថ្លែង​ថា ​បរិមាណ​សំរាម​ ដែល​ក្រុមហ៊ុន​បាន​ប្រមូល​ពី​ក្នុង​ខណ្ឌ​ទាំង​៤ ​ដែល​ជា​កន្លែង​ប្រារព្ធ​ពិធី​បុណ្យ​គឺ​មាន​ការកើន​ឡើង​យ៉ាង​សម្បើម​ ខណៈ​បរិមាណ​សំរាម​បាន​កើន​ឡើង​រវាង​ថ្ងៃ​បុណ្យ​ទី​១​និង​ថ្ងៃ​ទី​២ ​ពី១៧៨​តោន ​ទៅ​២៥២​តោន​។