ភ្ញៀវ​របស់​វិទ្យុបារាំង​នៅ​រាត្រី​នេះ​គឺ លោក ហឿន សុភាព តំណាង​សហគមន៍​ការពារ​ព្រៃ​ឡង់ មក​ពី​ខេត្ត​កំពង់​ធំ។ សហគមន៍​ព្រៃឡង់​នៅ​ថ្ងៃ​ទី​២០​ខែ​តុលា បាន​ចេញ​ផ្សាយ​របាយ​ការណ៍​ឃ្លាំ​មើល​អំពី​ការ​កាប់​ព្រៃឈើ​លើក៦ ដែល​មាន​កម្រាស​២០​ទំព័រ។ សហគមន៍​ការ​ពារ​​ព្រៃឡង់​បាន​លើក​ឡើង​ថា បទ​ល្មើស​ព្រៃ​ឈើ​នៅ​ក្នុង​តំបន់​ព្រៃ​ឡង់​នៅ​តែ​បន្ត​កើត​មាន​។ ឆ្លើយ​នឹង​សំណួរ​របស់​វិទ្យុ​បារាំង លោក ហឿន សុភាព គូស​បញ្ជាក់​ថា ការ​កាប់​ឈើ​នៅ​ព្រៃឡង់​ត្រូវ​បាន​បង្វែរ​រូបភាព​ពី​ធំ​មក​តូច​តែ​ធ្ងន់ធ្ងរ​ដូច​គ្នា។