ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​ថ្ងៃ​ព្រហស្បតិ៍​នេះ គឺ​លោក​វេជ្ជបណ្ឌិត លី សូវ៉ាន់ ប្រធាន​នាយកដ្ឋាន​ប្រយុទ្ធ​នឹង​ជំងឺ​ឆ្លង និង​ជា​អ្នក​នាំ​ពាក្យ​នៃ​ក្រសួង​សុខាភិបាល​កម្ពុជា​។ នៅ​ក្នុង​បទសម្ភាស​ជាមួយ អ៊ឹម រចនា លោក​វេជ្ជបណ្ឌិត លី សូវ៉ាន់ បាន​ពន្យល់​អំពី​ការ​ឆ្លង​រាតត្បាត​ជំងឺ​ផ្ដាសាយ​បក្សី H5N1 នៅ​ខេត្ត​កំពង់ចាម និង​កំពង់ធំ។ លោក​អះអាង​ថា ករណី​ឆ្លង​នៅ​ខេត្ត​ទាំង​ពីរ​នេះ ត្រូវក្រសួង​សុខាភិបាល​​គ្រប់​គ្រង​បាន​ហើយ ដោយ​ធានា​មិន​ឲ្យ​ឆ្លង​រាតត្បាត​ទៅ​កាន់​ខេត្ត​ដទៃ​ទៀត​ទេ​។