អាជ្ញាធរ​អប្សរា​បាន​នឹង​កំពុង​ចាប់​ផ្តើម​តម្លើង​ស្ពាន​អណ្តែត​ទឹក​ ដើម្បី​ជំនួស​ស្ពាន​ហាល​ ដែល​ចាស់​ទ្រុឌ​ទ្រោម ហើយ​ចាំ​បាច់​ត្រូវ​ការ​ជួស​ជុល ដែល​មាន​រយៈ​ពេល​ ៤​ឆ្នាំ។ ស្ពាន​អណ្តែត​ទឹក​ ដែល​ស្ថិត​នៅ​ក្នុង​កសិណ​ខាង​ត្បូង ស្ពាន​ហាល​ប្រាសាទ​អង្គរ​វត្ត​នឹង​រួច​រាល់​នៅ​អំឡុង​ខែ​ឧសភា​ខាង​មុខ និង​ដាក់​ឲ្យ​ដំណើរ​ការ​ផង​ដែរ។ លោក​ឡុង កុសល អ្នក​នាំ​ពាក្យ​អាជ្ញាធរ​ជាតិ​អប្សរា​លើក​ឡើង​ថា​ស្ពាន​អណ្តែក​ទឹក​នេះ​ត្រូវ​បាន​អាជ្ញាធរ​អប្សរា​សិក្សា​យ៉ាង​ម៉ត់ចត់​ថា​មាន​សុវត្ថិភាព​សម្រាប់​ភ្ញៀវ​ទេសចរ និង​មិន​ប៉ះពាល់​ដល់​តម្លៃ​ទេសភាព វប្បធម៌​ប្រាសាទ និង​ចំនួន​ទេសចរ ចូល​ទស្សនា​ប្រាសាទ​អង្គរ​វត្ត​ឡើយ។