នៅក្នុង​ឱកាស​នៃ​ការ​ប្រារព្ធ​ទិវា​ប្រយុទ្ធ​ប្រឆាំង​នឹង​ជំងឺ​គ្រុន​ឈាម​នៅ​ព្រឹក​ថ្ងៃ​ទី​៣១​ខែ​កក្កដា​នេះ​ក្រសួង​សុខាភិបាល​បាន​សម្តែង​នូវ​សុទិដ្ឋិនិយម ​ដែលថា​ជំងឺ​គ្រុន​ឈាម​មាន​ការ​ថយ​ចុះ ​នៅ​តាម​បណ្តា​ខេត្ត​ជាច្រើន​នៃ​ប្រទេស​កម្ពុជា​។ ​លោក​សាស្ត្រា​ចារ្យ​វេជ្ជបណ្ឌិត ​ម៉ម ប៊ុនហេង ​រដ្ឋមន្ត្រី​ក្រសួង​សុខាភិបាល​បាន​បញ្ជាក់​ថា​ការ​ថយចុះ​នៃ​ជំងឺ​គ្រុនឈាម​ពី​មួយ​សប្តាហ៍​ទៅ​មួយ​សប្តាហ៍​នេះ ​គឺ​ដោយសារ​ប្រជាពលរដ្ឋ​មាន​ការ​យល់ដឹង​ចូលរួម​បំបាត់​មូស​ខ្លា ​និង​យុទ្ធនាការ​ជាប្រចាំ​របស់​មន្ត្រី​សុខាភិបាល​ក្នុង​ការ​ទប់ស្កាត់​ជំងឺ​គ្រុនឈាម​នៅ​ទូទាំង​ប្រទេស​។