ភ្ញៀវប្រចាំថ្ងៃរបស់យើងនៅរាត្រីនេះ គឺលោកផុស សុវណ្ណ ដែលជាអគ្គនាយកនៃអគ្គនាយកដ្ឋាន​ព័ត៌មាន និង​សោតទស្សន៍នៃ​ក្រសួង​ព័ត៌មានកម្ពុជា​។​​ ឆ្លើយតបនឹងសំណួររបស់វណ្ណ សុគន្ធា ជុំវិញបញ្ហាព័ត៌មានក្លែងក្លាយ លោកផុស សុវណ្ណ បានអះអាងថា ក្រសួងព័ត៌មាននឹងសហការជាមួយ​ក្រសួងមហាផ្ទៃ ក្រសួង​ប្រៃសណីយ៍ ​និង​ក្រុមហ៊ុន​ហ្វេ​ស​ប៊ុ​ក ​ដើម្បីឈានទៅបិទ​ទំព័រ​ហ្វេ​ស​ប៊ុ​ក​ ឫវេបសាយព័ត៌មានណាដែល​ផ្សព្វផ្សាយ​ព័ត៌មាន​មិន​ពិត​ជុំវិញបញ្ហាមេរោគ​កូ​រ៉ូ​ណា ​និង​ព័ត៌មាន​ក្លែងក្លាយ​ផ្សេងៗទៀត​។