ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ស ម៉ូ​រី អនុប្រធាន សមាគម​​បណ្តាញ​​យុវជន​​កម្ពុជា។ លោក ស ម៉ូ​រី បានបង្ហាញ​ការសោកស្តាយ បន្ទាប់ពី​អាជ្ញាធរ​ក្រុងភ្នំពេញ មិន​អនុញ្ញាត​ឲ្យ​សមាគម និង​អង្គការក្រៅរដ្ឋាភិបាល ហែ​ក្បួន​នៅ​សួនច្បារ​ក្រុមប្រឹក្សា​អភិវឌ្ឍន៍​កម្ពុជា ដើម្បី​អបអរសាទរ​ទិវា​សិទ្ធិមនុស្ស​អន្តរជាតិ ១០ ធ្នូ ឆ្នាំ ២០១៨ ដោយ​បង្វែ​ឲ្យ​ធ្វើការ​ជួបជុំ​សម្តែង​មតិ​នៅ​ទីលាន​ប្រជាធិបតេយ្យ​ថ្មី​តែម្តង។ លោក ស ម៉ូ​រី បានចាត់ទុក​សេចក្តីសម្រេច​នៅ​ថ្ងៃទី ០៧ ធ្នូ នេះ​ថា គឺជា​ការអនុវត្ត​ផ្ទុយ​ពី​សេចក្តីណែនាំ​របស់​ក្រសួងមហាផ្ទៃ កាលពីពេលថ្មីៗនេះ។