គ្រាប់បែក​គីមី​២​គ្រាប់ ​ដែល​ទំលាក់​ពីលើ​យន្តហោះ​អាមេរិក​នៅ​ចំណុច​ស្រុក​រមាសហែក ​ខេត្ត​ស្វាយរៀង ​ត្រូវបាន​រកឃើញ​ដោយ​ក្រុម​ការងារ​របស់​រដ្ឋាភិបាល​នៅ​ថ្ងៃ​អង្គារ​នេះ ​បន្ទាប់ពី​បើក​ប្រតិបត្តិការ​រយៈពេល​២​ថ្ងៃ​មក​នេះ​។ ​លោក​ទេស​រដ្ឋមន្ត្រី ​សេរី កុសល ​អនុប្រធាន​ទី​១​នៃ​អាជ្ញាធរ​មីន ​កម្ពុជា​ថ្លែងថា ​គ្រាប់បែក​ទី​១​នឹង​ត្រូវ​យកចេញ​ពី​ដី​នៅ​ថ្ងៃ​ស្អែក ​ដែល​មាន​ការ​ចូលរួម​ពី​អ្នក​ជំនាញការ​គ្រាប់បែក​មកពី​សហរដ្ឋ​អាមេរិក​។ ​លោក​សេរី កុសល​ បញ្ជាក់ថា​ការ​រំដោះ​គ្រាប់បែក​គីមី​ទាំងពីរ​គ្រាប់​ពី​ក្នុង​សាលារៀន ​និង​វត្ត​អារាម​នេះ ​នឹង​ត្រូវ​ចំណាយ​ពេល​១​សប្តាហ៍​។