ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅ​រាត្រី​នេះ គឺ​លោក សន សៀប ស្ថាប​និក និង​ជា​អគ្គ​នាយក​ក្រុម​ហ៊ុន​អចលន​ទ្រព្យ​ឈ្មោះ Key Real Estate។ លោក​ចូល​ខ្លួន​មក​ពន្យល់​ពី​ការ​ហក់​ឡើង​ថ្លៃ​នៃ​តម្លៃ​អចលន​ទ្រព្យ ឬ​វិស័យ​ដីធ្លី​នៅ​ឆ្នាំ២០១៩​នេះ ជា​ពិសេស​នៅ​តំបន់​មួយ​ចំនួន​ជាយ​ទីក្រុង​ភ្នំពេញ​ឬ​ខណ្ឌ​រដ្ឋ​បាល​ដែល​ទើប​បង្កើត​ឡើង​ថ្មីៗ​។ លោក សន សៀប លើក​ឡើង​ថា មូល​ហេតុ​ដែល​ដី​នៅ​ជាយ​ទីក្រុង​ភ្នំពេញ​ឡើង​ថ្លៃ​ខ្លាំង​ដោយ​សារ​តែ​ការ​អភិវឌ្ឍន៍​គម្រោង​ធំៗ​។