រយៈ​ពេល​មួយ​សប្តាហ៍​ចុង​ក្រោយ​នេះ តម្លៃ​ស្រូវ​ត្រូវ​គេ​កត់​សម្គាល់​ថា បាន​ធ្លាក់​ចុះ​ហើយ​។ ទាំង​អ្នក​ជំនាញ​លើ​វិស័យ​ស្រូវ អង្ករ និង​សហគមន៍​ផលិត​ស្រូវ​នា​នា បាន​ទទួល​ស្គាល់​ថា​ស្ថាន​ភាព​បែប​នេះ បាន​កើត​ឡើង​ជា​រៀង​រាល់​ឆ្នាំ​។ ក៏​ប៉ុន្តែ​ប្រធាន​សម្ព័ន្ធ​សហគមន៍​កសិករ​កម្ពុជា លោក ថេង សាវឿន ថ្លែង​ថា​បញ្ហា​ស្រូវ​ធ្លាក់​ថ្លៃ​ប៉ុន្មាន​ថ្ងៃ​មក​នេះ ក៏​អាច​ជា​ការ​ប៉ះ​ពាល់​បឋម នៃ​ការ​យក​ពន្ធ​អង្ករ​ខ្មែរ​នាំ​ចូល​ទីផ្សារ​អឺរ៉ុប​ផង​ដែរ​។