ប្រទេស​កម្ពុជា​គ្រោង​ធ្វើជំរឿន​ជា​លើក​ទី​៣​ចាប់​ពី​ថ្ងៃ​ទី​៣​ដល់​ថ្ងៃទី​១៣​មីនា​ឆ្នាំ​២០​១៩​ខាង​មុខ​។​ មន្រ្តី​រដ្ឋាភិបាល​បាន​ឲ្យដឹង​ថា​ការ​ធ្វើជំរឿន​ប្រជាជន​លើក​នេះគឺមិន​មាន​អង្គការ​ដៃគូ​ជួយ​ឧបត្ថម្ភ​នោះទេ​ ហើយ​រដ្ឋគ្រោង​ចំណាយ​ថវិកា​ជាង​៨​លាន​ដុល្លារ​​។​នៅក្នុង​​នាទី​ភ្ញៀវ​ប្រចាំ​ថ្ងៃរបស់​​វិទ្យុ​​បារាំង​​អន្តរ​ជាតិ​RFI​រាត្រីនេះ​គឺលោក​ស្រី ​ហង់​ លីណា​ អគ្គនា​យិកា​វិទ្យា​ស្ថាន​ជាតិ​ស្ថិតិ​។​ លោកស្រី​បញ្ជាក់ថា​ ការ​ធ្វើជំរឿន​គឺ​ចង់​ដឹង​ពីស្ថាន​ភាពប្រ​ជាជន​ដើម្បី​ធ្វើផែន​ការ​អភិវឌ្ឍន៍​ជាតិ​។