ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោកស្រី មួរ សុខ​ហួរ អនុ​ប្រធាន​​​គណបក្ស​ស​ង្គ្រោះ​ជាតិ។​ កាលពី​ព្រឹក​ថ្ងៃទី ១១ កញ្ញា ក្រុម​អ្នកតំណាងរាស្ត្រ​គណបក្ស​​សង្គ្រោះ​ជាតិ១៧រូប ដែលមាន​ទាំង​សមាជិក​ព្រឹទ្ធសភា​ផង បានធ្វើ​ដំណើរ​ទៅ​កាន់​​ពន្ធនាគារ (ម3) ត្រពាំង​ផ្លុ​ង ដើម្បី​សួរសុខទុក្ខ​លោក កឹម សុខា ប៉ុន្តែ​ត្រូវបាន​រារាំង​ដោយ​​​អាជ្ញាធរ​កម្ពុជា។ យ៉ាងណាក្តី ក្រុម​សមាជិកសភា​គណបក្សប្រឆាំង​ដឹកនាំ​ដោយ​លោក​​ស្រី មួរ សុខ​ហួរ បានធ្វើ​សន្និសីទកាសែត​ខ្លី​មួយ​ដោយបាន​បញ្ជាក់​ជំហរ​ថា លោក កឹម សុខា នៅតែ​ជា​ប្រធាន​គណបក្ស ហើយ​ថា គណបក្ស​នេះ នឹងមិន​ចូលរួម​ការ​បោះ​ឆ្នោត​​ជាតិ​នៅ​ឆ្នាំ ២០១៨ ទេ បើ​ការបោះឆ្នោតជាតិ​មិន​ប្រព្រឹត្ត​ទៅដោយ​សេរី ត្រឹមត្រូវ និង​​​យុត្តិធម៌ ពិសេស​បើ​មិនមាន​ការដោះលែង​លោក កឹម សុខា។