RFI - ភ្ញៀវប្រចាំសប្តាហ៍

​លោកស្រី ឱ វណ្ណឌីន​៖ គិត​ត្រឹម​ថ្ងៃ​ពុធ​នេះ កម្ពុជា​នៅ​មិន​ទាន់​មាន​ករណី​ឆ្លង​ជំងឺ​រលាក​សួត​ប្រភេទ​ថ្មី​នោះ​ទេ​ - 22/01/2020


Listen Later

គិត​ត្រឹម​ថ្ងៃទី ២២ មករា ឆ្នាំ ២០២០នេះ កម្ពុជា​នៅ​មិន​ទាន់​រក​ឃើញ​ករណី​នៃ​ការ​ឆ្លង​ជំងឺ​រលាក​សួត​ប្រភេទ​ថ្មី ដែល​បង្ក​ឡើង​ដោយ​មេរោគ​កូរ៉ូណា​វីរុស​នៅ​ឡើយ​ទេ។ ប៉ុន្តែ​យ៉ាង​ណា​ក្តី លោក​ស្រី ឱ វណ្ណឌីន រដ្ឋលេខាធិការ​និង​ជា​អ្នក​នាំ​ពាក្យ​ក្រសួង​សុខា​ភិបាល បាន​អំពាវ​នាវ​ឲ្យ​ប្រជា​ពលរដ្ឋ​កម្ពុជា​រក្សា​អនាម័យ​ឲ្យ​បាន​ខ្ពស់ ដើម្បី​បង្កា​ឆ្លង​មេរោគ​ប្រភេទ​ថ្មី​នេះ ខណៈ​ពេល​ដែល​ក្រសួង​សុខា​ភិបាល បាន​ដាក់​ចេញ​នូវ​វិធាន​ការ​ចាំ​បាច់​នា​នា និង​ជា​បន្ទាន់ ដើម្បី​បង្កា​កុំ​ឲ្យ​មេរោគ​ប្រភេទ​ថ្មី​នេះ ឆ្លង​ចូល​មក​កម្ពុជា​បាន​។ ការ​ដាក់​ចេញ​នូវ​វិធាន​ការ​នេះ គឺ​ស្រប​ពេល​ដែល​មាន​សេចក្តី​រាយ​ការណ៍​ថា ប្រទេស​ជិត​ខាង​កម្ពុជា តួ​យ៉ាង​ដូច​ជា ប្រទេស​ថៃ មាន​ឆ្លង​ជំងឺនេះ​ចំនួន​២ករណី ជប៉ុន១ករណី និងកូរ៉េ​ខាង​ត្បូង​១ករណី​ផង​ដែរ​។ ជំងឺ​រលាក​សួត​ប្រភេទ​ថ្មី ដែល​មាន​ប្រភព​មក​ពី​ខេត្ត វូហាន ប្រទេស​ចិន បាន​ឆ្លង​ទៅ​មនុស្ស​ចំនួន​៤៤៥​ករណី និង​បាន​បណ្តាល​ឲ្យ​ស្លាប់​៩នាក់​ហើយ គិត​ត្រឹម​ល្ងាច​ថ្ងៃទី ២២ មករា​នេះ​។ បើ​តាម​លោក​ស្រី ឱ វណ្ណឌីន ប្រជាជន​កម្ពុជា​ណា​ដែល​មាន​បំណង​ទៅ​លេង​កំសាន្ត​នៅ​ក្នុង​ខេត្ត វូហាន ប្រទេស​ចិន នៅ​ក្នុង​ឱកាស​បុណ្យ​ចូល​ឆ្នាំ​ចិន ឬ​ចូល​ឆ្នាំ​ថ្មី​ប្រពៃណី​ជាតិ​ខ្មែរ គួរ​ផ្អាក​ជា​បណ្តោះ​អាសន្ន​សិន​។
...more
View all episodesView all episodes
Download on the App Store

RFI - ភ្ញៀវប្រចាំសប្តាហ៍By