Tajriba trailer

فهاد الحلقة من البودكاست هضرت مع محسن بورقيبة لي قام بقيادة و تطوير عدة شركات فالمغرب ثم فتح شركة الي ساهمت فتنقية المدن المغربية و خدا بزاف ديال الجوائز فهاد الإطار فالمغرب و خارج المغرب. هاد الظهور العالمي سمح لهم أنهم ينقلو الشركة ديالهم من المغرب لفرنسا. و الفكرة ديال هاد المقاولة الآن فطريقها باش أنها تنتشر فأوروبا. فهاد الحلقة عاود لنا كيفاش بدا من الصفر و وصل لهاد المرحلة.

https://www.instagram.com/mouhsinbourqaiba

https://www.facebook.com/mouhsin.bour

 https://www.facebook.com/BourqaibaMouhsin

فهاد الحلقة من البودكاست استقبلت عمر فركاني الي داز من واحد المسار فشكل.. كبر فسيدي قاسم و قرا ففرنسا ثم مشى يخدم فتركيا و من تما داز كيقدم الدكتوراه ديالو فالميريكان.. قبل ما يقلبها لألمانيا و خدم مدير استراتيجي ديال شركة سيمينس Siemens.. فهاد الحلقة عمر عاود لنا كيفاش حتى دوز هادشي كامل و شناهي الدروس الي استافدها فالطريق و كيفاش أن الخدمة ديالو أثمرت بعد سنوات...

Omar Fergani, PhD - Head of IoT, Atotech

فهاد الحلقة من البودكاست هضرت مع يونا الي كيقدم أطروحة الدكتوراه ديالو فتاريخ اليهود المغاربة الي هاجرو لفرنسا و إسرائيل. هضرنا على بزاف ديال الحاجات من بينهم المسار ديالو ثم عطى لنا نبذة جميلة على تاريخ اليهود المغاربة و منين جاو. بدينا من هادي 3000 عام حتى لدابا. الصراحة استفدت بزاف من هاد الحوار و عطاني بزاف ديال التفاصيل الي ماكنتش عارفها. ننصحكم كذلك تشتاركو فالقناة ديال يونا على اليوتوب باش تتعرفو عليه أكثر و على تاريخ اليهود فالمغرب بطريقة أفضل.

فهاد الحلقة من التجربة استقبلت كريم بنخميس. كريم عاودلي على المسار ديالو و كيفاش حتى سمح فعشرين سنة ديال إدارة شركة عائلية فالسياحة باش يفتح عدد من المشاريع الي كانت كاتدور له فراسو. ملي هضرت مع كريم حسيت أنه واحد الإنسان عندو شغف كبير بشي الي كيقدمو للعالم و هادشي قدر ينقلو لنا فهاد البودكاست.

Karim Benkhmis - CEO & Co-founder Souk&Play

فهاد الحلقة من بودكاست التجربة هضرت مع أناس السدراتي الي كان من بين مؤسسي ويكيبيديا فالمغرب و من بين أحد أكبر المساهمين فويكبيديا العالم العربي، لدرجة أنه نادت عليه منظمة ويكيميديا باش يخدم معاهم على استراتيجية ويكيبيديا ديال 10 سنوات القادمة. هادشي كامل بالموازاة مع القراية ديالو و الخدمة ديالو. زيد على هادشي أنه عندو 2 دبلومات هندسة من أكبر الجامعات و المدارس ففرنسا و السويد. و عاد عندو إجازة فالدراسات الشرق أوسطية، و كيوجد دكتوراه ديالو حاليا... المهم استمتعت بهاد الحوار بزاف مع انسان مثقف و عندو كاريزما كبيرة. دخلني معاه فعوالم ويكيبيديا و كيفاش كيخدم ديكشي... جوج ساعات و الزيادة ديال المتعة

فهاد الحلقة الجديدة من بودكاست التجربة هضرت مع محمد لزرق. محمد إنسان عندو طموح كبير. كمل الدراسة ديالو فالمغرب ثم مشى خدم ففرنسا فمجال البرمجة لمدة سنوات. تحارب و تقاتل و فحال بزاف ديال الناس، كان كيفكر يفتح مشروع ديالو. الفكرة مشات و جات فبالو حتى قرر فالأخير أنه ياخد ديك الخطوة... و لكن ماشي ففرنسا... فدبي. غانشوفو فهاد الحلقة كيفاش حتى تجاوز المصاعب كاملة الي جاتو فالطريق و كيفاش حتى حقق الحلم ديالو و علاش اختار دبي بالضبط.

https://www.linkedin.com/in/mohamedlazreq

فهاد الحلقة استقبلت اسحاق الجباري الطاهيري. كان معانا فالحوار أيمن أيت أحمد و أسامة غجو. هضرنا على النظام الاقتصادي المناسب فالمغرب و العالم ثم هضر لنا اسحاق على الموسيقى العربية و رجع بنا لتاريخ الموسيقى الشرقية منذ بداية القرن 19. شخصيا استفدت بزاف من هاد الحوار. داز واعر.

فهاد الحلقة هضرت مع أميمة زكري أجراي. استمتعت بهاد الحوار بزاف الي هضرنا فيه على السينما (أحد المواضيع المفضلة ديالي) و على المسار ديال أميمة من المدرسة العمومية للأقسام التحضيرية ثم أحد أفضل المدارس ديال البزنس فالعالم HEC.. و من بعد قامت بعدة مشاريع رائعة من بينها أفلام وثائقية و مؤخرا بودكاست قادات.. أميمة موهوبة بزاف و إنسانة خلاقة.. ننصحكم تتابعوها.

بودكاست ديال أميمة : 

فيلم الوثائقي ديالها الي هضرنا عليه : https://youtu.be/LJjOT-R67gM

فهاد البودكاست استقبلت نجيب عطاوي... استمعت بزاف بهاد الحوار مع نجيب الي عاود لنا كيفاش دوز 8 سنين فحياتو كضابط صف فالقوات البحرية الملكية... كولشي سحاب له أنه حياتو كانت مرسومة حداه و لكن نجيب قرر أنه يسمح فكولشي و يبدا من زيرو و يمشي لإيطاليا باش يكمل قرايتو فديكشي الي بغا