🎓《Uni 101》

由 A-Level 到大學，到底有咩分別？如果可以返去入學之前，你又會同自己講啲咩？

今集由仲讀緊 A-Level 嘅 Ryan，同啱啱畢業一年嘅 Joe，一齊由兩個唔同階段嘅角度，傾下對大學嘅期待同現實。

Joe 分享咗自己讀 Uni 嘅得著、後悔同一路走過嘅經歷，而 Ryan 就代表住即將踏入大學嘅學生，提出好多準 Freshman 都會諗嘅問題。希望透過今集，令大家對大學生活有更真實嘅了解，少啲迷惘，多啲準備。

無論你準備升 Uni、仲讀緊，定已經畢業，都歡迎留言分享你最深刻嘅大學回憶！

🎙️《Uni 101》現已上線！

🎙️ EP.3《英港代溝事》上線！

00後真係特別冇責任心？香港人又點解咁抗拒 Small Talk？

今集由 Marcus（00後）同嘉賓 Aden（90後）一齊分享對代溝嘅觀察，由住屋壓力、經濟負擔，到職場文化同人際相處，探討唔同世代之間嘅價值觀差異，以及英港兩地喺社交文化上嘅有趣對比。

究竟00後真係比90後唔成熟，定只係面對緊唔同嘅成長環境？而香港人唔鍾意 Small Talk，又係因為性格，定係生活節奏使然？

如果你都曾經被人話過「而家啲後生唔同晒」，又或者去到英國先發現原來同陌生人吹兩句水都可以成為日常，呢集應該會令你好有共鳴。

🎧 即刻收聽，同我哋一齊拆解英港代溝之謎。

🎙️ EP.2《英國交通事》上線！

英國交通到底有幾混亂？準時神話係真定假？由火車罷工到巴士日常，我哋一齊拆解移英後最真實嘅出行體驗。

今集由 Joe 主持，邀請佢中學同學阿陳一齊分享親身經歷、踩過嘅坑，同埋點樣喺英國交通系統中生存落去。

如果你都曾經喺月台呆等、錯過轉車，或者對英國交通又愛又恨，呢集應該會好有共鳴。

🎧 即刻收聽，陪你通勤唔再孤單。

EP01｜英國冬天事 ❄️ with Jasmine & Douglas

第一集就由最難頂的開始。如果你都喺英國過過冬，你應該會明。當日照變短，時間變得模糊，英國冬天，其實唔只係天氣問題。

Jasmine 同 Douglas 喺第一集入面，分享冬天點樣影響我哋的節奏、情緒，同埋點樣慢慢學識同自己相處。