Í þættinum fáum við að kynnast því hvernig er að vera af blönduðum uppruna á Íslandi hvað hárgerð varðar, aðallega hár fólks af afrískum, suðuramerískum eða karabískum uppruna, afróhár. Chanel Björk tók tali þrjár stelpur af blönduðum uppruna sem hafa allar afróhár. Þær spjölluðu saman um þemalag þáttarins, Don't touch my hair með Solange, um hárið á sér og fegurðarstaðalímyndir samfélagsins. Viðmælendur eru: Sunna Sasha Larosiliere, Indy Alda Saouda Yansane og Kanema Erna Mashinkila.