Við vörum við orðbragðinu í þessum þætti. Það er hægt að bölva, ragna og formæla, biðja bölbæna eða óbæna, skamma, sótast og sveia, bannsyngja, úthúða, atyrða, segja til syndanna, eða bölva fólki í sót og ösku. Sú sem það gerir getur til dæmis verið dóni, rusti, sótraftur eða sorakjaftur. Hægt er að úthúða fólki eða formæla því á íslensku með alls konar orðum en nokkur dæmi má heyra í þessum þætti. Einnig er litið á það hvenær er blótað og hvenær ekki og hvaðan blótsyrðin koma.