காதல் என்பது ஒரே ஒருமுறை மட்டுமே நிகழ்வதல்ல என நடிகை தமன்னா தெரிவித்துள்ளார். காதல் என்பது எப்போதும் நிபந்தனையற்றதாக இருக்க வேண்டும் என்றும், அதில் எதிர்பார்ப்புகள் நுழையும்போது, அது காதலாக இல்லாமல் ஒரு 'வியாபார பரிமாற்றம்' போல மாறிவிடும் என்று அவர் குறிப்பிட்டுள்ளார்.

பல்வேறு பிரச்னைகளால் நீண்டநாட்களாக வெளியாகாமல் இருக்கும் விக்ரமின் ‘துருவ நட்சத்திரம்’ படத்தை ஜூன் 15ம் தேதிக்குள் வெளியிட அனுமதி அளித்து சென்னை உயர் நீதிமன்றம் உத்தரவிட்டுள்ளது. ஒருவேளை குறிப்பிட்ட தேதிக்குள் படத்தை வெளியிட முடியாவிட்டால், அதற்கான காரணங்களுடன் கால நீட்டிப்பு கோரி மீண்டும் நீதிமன்றத்தை நாடலாம் எனவும் தெரிவிக்கப்பட்டுள்ளது. 

கமல்ஹாசனின் ராஜ்கமல் பிலிம்ஸ் தயாரிப்பில் ரஜினிகாந்த் நடிக்கும் 'தலைவர் 173' படத்தில், மலையாள நடிகர் மற்றும் இயக்குனர் பசில் ஜோசப் ரஜினிக்கு மகனாக நடிக்க உள்ளதாக தகவல்கள் வெளியாகியுள்ளன. முன்னதாக ஒரு பெரிய படத்தில் நடிக்க ஒப்பந்தமாகி இருந்தேன் என அவர் சூசகமாக கூறியிருந்தார். 

கன்னட நடிகர் மற்றும் இயக்குனர் ரிஷப் ஷெட்டி, கென் கருணாஸ் இயக்கி நடித்த 'யூத்' திரைப்படத்தைப் பார்த்துவிட்டு அவரை நேரில் அழைத்து பாராட்டியுள்ளார். இதுதொடர்பான புகைப்படத்தை தனது எக்ஸ் பக்கத்தில் பகிர்ந்துள்ள கென் கருணாஸ் கடவுளுக்கு நன்றி என குறிப்பிட்டுள்ளார். 

நடிகர் தனுஷின் கர திரைப்படத்திற்கு யு/ஏ சான்றிதழ் வழங்கப்பட்டுள்ளது. விக்னேஷ் ராஜா இயக்கத்தில் தனுஷ் நடித்துள்ள இப்படம் வரும் 30ஆம் தேதி திரைக்கு வருகிறது. நாயகியாக மமிதா பைஜு நடித்துள்ளார். 

இயக்குனர் ராம் குமார் உடன் ‘இரண்டு வானம்’ படம் மூலம் நடிகர் விஷ்ணு விஷால் மீண்டும் இணைந்துள்ளார். கதாநாயகியாக மமிதா பைஜூ நடித்துள்ளார். இந்த நிலையில், ‘இரண்டு வானம்’ படத்தின் முதல் பாடலான ‘வெள்ளிச்சுடரே’ இன்று மாலை வெளியானது.

தமிழ் திரை உலகில் முன்னணி கதாநாயகர்களில் ஒருவரான ரவி மோகன் அடிக்கடி திருப்பதி கோவிலுக்கு சென்று தரிசனம் செய்து வருகிறார். அந்த வகையில் தேர்தல் நாளான நேற்று ரவி மோகனும், கெனிஷாவும் திருப்பதி கோவிலில் சாமி தரிசனம் செய்தனர்.

கேஜிஎஃப் 3 இப்போது உருவாக வாய்ப்பிலை என நடிகர் யாஷ் தெரிவித்துள்ளார். ராமயணா, டாக்சிக் படப்பிடிப்பில் பிஸியாக இருப்பதாகவும், நல்ல கதை அமைந்தால் நிச்சயம் உருவாகும் எனவும் தகவல்.

தெலுங்கு நடிகர் ஜூனியர் என்.டி.ஆர் மற்றும் இயக்குநர் பிரசாந்த் நீல் கூட்டணியில் உருவாகி வரும் பிரம்மாண்ட ஆக்ஷன் திரைப்படம் என்டிஆர் நீல், 2027 ஜூன் 11 அன்று வெளியாகும் என படக்குழு அதிகாரப்பூர்வமாக அறிவித்துள்ளது. மேலும் ஜூனியர் என்.டி.ஆரின் பிறந்தநாளான மே 20 அன்று இப்படத்தின் முதல் பார்வை வீடியோ வெளியிடப்படும் என்றும் அறிவிக்கப்பட்டுள்ளது.

நடிகர் பார்த்திபனுக்கு சாதி, மதமற்றவர் என்ற சான்றிதழை ஒரே வாரத்தில் வழங்க சென்னை உயர் நீதிமன்றம் உத்தரவிட்டுள்ளது. சாதி மற்றும் மதப் பிரிவினைகள் தேச ஒற்றுமையைப் பாதிப்பதாகவும், மற்றவர்களுக்கு முன்னுதாரணமாகத் திகழவே தான் இந்தச் சான்றிதழை பெற விரும்புவதாகவும் பார்த்திபன் தெரிவித்துள்ளார்.