Sabi ko kaninang madaling araw, magsasalang ako ng pelikulang may malaking ambag sa kung ano ako ngayon. Pelikulang naging bahagi at sumasalamin pa nga sa mga kahapon na hanggang kahapon na lang. Kaya naman dali-dali akong tumipa sa keyboard. Ang plano, isang pelikula muna. Eh ang kaso pagtapos ng isa, parang di kumpleto ang experience kako. Isinalang ko na rin yung sequel. Ayun, napuruhan ako nang husto sa Ang Kwento Nating Dalawa at Tayo, Sa Huling Buwan ng Taon. Ang mga nabanggit ay sa direksyon ni Nestor Abrogena. Ang tulang Pag-ikot naman ay parte ng nasabing pelikula sa opening scene at closing frame. Di naman masakit!
