Reacziuns da la politica sin ils plans per ils gieus olimpics 2038 en Svizra – WEF: Tgi vegn e tge èsi da spetgar? – Programm 2026 da la regenza grischuna – Referendum cunter imposiziun da taglia individuala – Iniziativa per il daner blut.

La Scola bilingua rumantsch/tudestg sto bandunar la chasa da scola Lachen a Cuira. Il motiv saja che ils uffants dal quartier dovran dapli plazza. Nua che las classas bilinguas duain ir a scola en il futur n'è anc betg cler. Entant dettia diversas chaussas da sclerir.

Ils lieus proponids per ils gieus olimpics 2038 èn enconuschents e la decoraziun da Nadal da Cuira vegn demontada.

D’in onn da record po il Museum d’art grischun discurrer en sia bilantscha dal 2025. – Las controllas dals cunfins duain daventar pli severas, er en il Grischun. – Ils campiuns da troccas èn enconuschents.

Durant il di da cordoli hai dà en blers lieus en Svizra muments da silenzi. - Tge munta la midada dal provediment da sanadad en Engiadin'Ota per il persunal da l'ospital? - Co fan ins loipas sche la naiv manca.

Blers blessads dal brischament a Crans-Montana vegnan tgirads en ospitals en l'exteriur. Coordinà ils transports ha in medi grischun.

L'ospital chantunal e la clinica Gut duain manar l'ospital a Samedan. Quai muntass ina reducziun da prestaziuns. - Il venderdi ha lieu in di da cordoli per las victimas da Crans-Montana.

Ultima schanza per l’ospital da Samedan: In nov plan da salvament cun ina nova structura che ha num Sanadura, duai garantir il provediment medicinal en l’Engiadin'Ota. Il salvament duai custar 20 milliuns francs. La fundaziun per il provediment da sanadad ha preschentà la proposta a las vischnancas.

Schegea ch'i na dat actualmain nagina gronda mancanza, saja vinavan impurtant da dar sang. Ils lais schelads en l'Engiadin'Ota attiran bleras persunas, ma puncto segirezza èn ellas per gronda part sezzas responsablas. Il museum da natira grischun preschenta il 2026 duas exibiziuns spezialas.

Persunas ord la branscha da turissem èn fitg cuntentas cun ils dis tranter Nadal e Bumaun. Las pendicularas sco era la hotellaria registreschan in plus da 6%, quai schizunt senza naiv natirala.