OPEN HEAVENS

MATALA LE LAGI MO LE  ASO LUA 27 IANUARI 2026

(tusia e Pastor EA Adeboye)

Manatu Autu: Malamalama I Mailei a Satani 1 (Understanding Satanic Traps 1)

Tauloto Tusi Paia: 1 Peteru 2:11 “Le ‘au pele e, ‘ou te ‘ai‘oi atu ‘iā te ‘outou o tagata ‘ese ma ē āumau, ‘ia mamao ‘outou ma tu‘inanau o le tino, o mea ia e tau ma le agaga.”

‭‭

Faitauga - Tusi Paia: 2 Timoteo 2:19-22

E masani ona faaaoga e tagata tulimanu meaai e fiafia iai manu o loo latou tuliina e mailei ai i latou. O le taimi e vaai atu ai manu i nei meaai, e vave iai e ai, ma ao amata ona aai ai, e maua ai loa i mailei. O le auala lava lea e tasi e mailei ai e le tiapolo ia tagata, e na te vaavaai lelei le tagata o loo manao e mailei ma vaai poo a mea e tuinanau iai. Ona amata loa lea ona ia ofo atu iai i se laulau e sausau auro. Afai latou te lē iloa i le agaga, e taitaiina lava e le tuinanau, ma a’o fiafia i mea ua foai atu e le tiapolo, e tetei ane ua saisaitia, ma na o le alofa mutimutivale o le Atua e mafai ai ona toe faasaolotoina. E atoa lou 84 tausaga i ni nai masinia o lumanai, ma talitonu mai, ua ou vaai i le tele o lumanai o tagata ua maileia ma faaumatia e le tiapolo i le auala lea. Ou te tatalo ia aua lava nei maileia oe e le tiapolo i le suafa o Iesu. 

Ou te fai lava i ou atalii ma atalii faaleagaga, ‘a ata faatosina atu se tamaitai ia te oe, tamoe vave i leisi itu’. O loo fai mai le faitauga mai le Tusi Paia o le asō, ia sola ese mai tuinanau o taulelea. O le sola ese, o lona uiga tamoe vave ese e pei o loo e fefe. Aua e te faatalitali poo le a le mea e ono tupu, ae tamoe ese. O muagagana i toeaina a le matou nuu, fai mai ‘o le mea e lē tatau ona e tofo ai, e lē tatau ona e sogisogi ai’. E faapena foi, afai e te vaai atu i se mea e ono faaumatia ai lou lumanai, sola ese. 

O nisi tagata e ono faapea mai, ‘na ou paū i le faaosoosoga, peitai e leai se mea o suia. O le mea moni, o loo alualu i luma mea uma’. Aua nei faaseseina, pau le mea a le tiapolo o loo faia o le faafilemu o i latou i le falepuipui ua ia saunia mo i latou. A e faatauina se moa ola ma le faamoemoe e fai ai se meaai mo se aiga faapitoa, e te ono fafaga lelei lea moa sei peti lelei. E ono fiafia iai le moa, peitai o loo e iloa o loo e fafagaina ia peti seia oo i le aso e tapē ai. E faapena le mea e faia e le tiapolo, e na te faamautinoaina, o loo fiafia tagata o loo mailei mai seia oo i le aso e faaumatia ai, auā e le manao e latou te saili fesoasoaani i seisi. E sili lava mea e na te aoina mai tagata i lo mea na te foai atu iai latou. 

Le au pele e, o meaalofa uma mai le tiapolo o loo faapipii mai ai le faanoanoaga, e na o faamanuiaga a le Atua e foai mai e aunoa ma le tigā ( Faataoto 10:22). Sola ese mai tuinanau o taulelea, i le suafa o Iesu, Amene.