OPEN HEAVENS

MATALA LE LAGI MO LE ASO FARAILE 30 IANUARI 2026

(tusia e Pastor EA Adeboye)

Manatu Autu: Malamalama I Mailei a Satani 4(Understanding Satanic Traps 4)

Tauloto Tusi Paia: Luka 21:36 “O lea ‘ia ‘outou mataala ai ma tatalo ‘ina ‘ia ‘outou maua le malosi e sao mai ia mea uma ‘ua tāli o‘o mai, ma ia tutū i luma o le Atali‘i o le tagata.”

‭‭

Faitauga - Tusi Paia: Mataio 16:13-23

O le asō, ou te manao e faamaea atu ai lenei mataupu faasolo, e ala i le suesueina o seisi ituaiga mailei e faaaoga e le tiapolo. O le mailei e faigata na iloa peitai e matuā malosi i le saisaitia ai o tagata ma tumau ai. O se mailei e mafai ona ou faamatalaina e maileia le mafaufau. I lea mailei, e pulea e le tiapolo le mafaufau o le tagata. 

I le faitauga mai le Tusi Paia o le asō, na fesili Iesu i lona au soo poo ai o ia, ae o se tasi o i latou o Peteru, na ia faamatalaina maoti Iesu. Ina ua ia faamatalaina manino poo ai Iesu, na faamaonia e Iesu na mafai ona ia faia ona na faaali iai e le Atua. Peitai, e lei leva se taimi mulimuli ane ao faamatala e Iesu mea o le tutupu, na teena e Peteru ma fai mai e lē maliu Iesu. Na vave ona faliu Iesu ma faapea atu, “Satani e, ‘inā alu ia oe i o‘u tua”. I se taimi vave, ua saisaitia e satani ia Peteru ma ua ia pulea ona mafaufauga ma upu e faia, e pei o lona faia o upu mai le tiapolo e aunoa ma lona iloa. 

O se tasi o auupega malosi e faaaoga e le tiapolo e pulea malosi ai mafaufau o tagata o upega tafailagi. E na te tulei atu nisi o mafaufauga ma aoaoga, ma a maea sina taimi, ua amata ona mafaufau tagata i nei mafaufauga e pei ona manao le tiapolo e mafaufau ai. Ua tatou vaai i lenei tulaga i soo se vaega o le lalolagi, o mea na taua e mataga ma inosia i le luasefulu tausaga pe sili atu talu ai, ua avea ma mea masani i nei aso. O le tiapolo o loo ia faamuamua le osofaia o tamaiti, ia mautinoa ua aoaoina i latou i soo se mea matagā ao laiti lava ina ia mafai ona ia pulea o latou mafaufau o loo pepe lava. I lou tulaga o se afafine poo se atalii o le Atua, e tatau ona e mataala aua o lenei auala, e tau leiloa ae matua malosi ma lamatia, ma o loo faaaogaina e le tiapolo e saisaitia ai tagata. 

O le tele o taimi, e faaoso atu e le tiapolo ona mafaufauga i upu o pese ma tifaga ma faaulufale atu ai i tagata e aunoa ma lo latou iloa. O le mafuaaga lea e fai mai ai le 1 Tesalonia 5:17 e tatau ona tatalo e le aunoa. O le alofia o lenei mailei a le fili,  e tatau ona e mafuta vavalalata ma Agaga Paia i taimi uma e ala i le suesue i lana Tusi Paia ma le filigā, mafaufau iai i le ao atoa ma le po ma tatalo e le aunoa. 

Le au pele e, mataala, tatalo ma leoleoina lou loto ma le filiga (Faataoto 4:23). E tatau foi ona e faaeteete i nei e paū (1 Korinito 10:12) aua o Iesu lava na fetalai, pe afai e mafai, e oo i ē filifilia o le a faaseseina ma maileia e le tiapolo (Mataio 24:24). Ia manatua, mataala, tatalo ma sili ‘ona leoleoina o lou loto ma le filiga, i le suafa o Iesu, Amene.