Mäntigsschum

Dr Oli startet mit sire Beobachtig vore spirituelle und sehr emotionale Zugnachbarin. När schwätze mer wiedermau über Verbräche. Chönnte mer Beschribige für Phantombiuder abliefere oder nid? Und wenn würd me sech imische - oder eben nicht? Aschliessend wird über dFerie brichtet, Heftis Oli isch i de Staate gsi, Steiners Lexä i däm Italie.

Hie wird eifach wiedermau chly über Gott, die Welt und was sonst noch bewegt gschwätzt. Mä kennts, mä liebts.

Am Afang unfassbar dumm - aber irgendwenn wirds de wieder chly normaler. Schwörä!

Nach nume 2 Jahr Pouse gits scho ä nöii Foug vo öiem liebste Podcast! Wie gwohnt ohni rote Fade, drfür mit dr magische Paarig zwüsche Dummheit und Intelligenz 🫶

Ir 1. Foug vom 2025 bechömmet dir d‘Radiostimm (uf em Mitternachtsprogramm) vom Oli uf d‘Ohre. Mir machä ä chline Exkurs i d'Oberstuefe-Zyt! Und när tüe mir üs churz mit angerne Kulture befasse - und zwar anhand vom Bispiu "WC". Eifach wüu serigi Theme immer wieder spannend si! Nachdem tüschle mer üs über üsi Schlafpositione us. Es isch bitzli spannender, aus es tönt, schwöre. Gägä Schluss merke mir beidi, was mer nid si, aber wei si: öpper wet empathischer si und die angeri Partei sportlecher und musikalischer.

Schlusssatz: Mir Mönsche si nur es Hirni.

Die Foug isch tatsächlech einigermasse strukturiert - und zwar unabsichtlech. Was söu mä bim Bewärbigsprozäss machä und was nid? D‘Fragestellig tönt längwilig, üsi Antworte sis aber nid! Gägä Schluss rede mer aber de ou no hurti chly über Astronomie. Mittlerwile si drum 2/2 i däm Podcast vo dere Thematik fasziniert.

*Hier könnte Ihre Werbung stehen*

Wüsset dr was? Bim Buechstabiere si einzelni Buechstabe essenziell HEHE. Nach däm Intro frage mer üs: Weles Hustier wär eich no cool? Chline Tipp zu Olis Favorit: Es isch ca. zwöi Füst höch und würd Hugo heisse. Sobaud das klärt isch, düe mer üs churz hingersinne und üs frage, was äch längwilig a üs chönnt si. Und wüu mir mir si, rede mer wiedermau überne ultrakritischi WC-Situation, wo dr Oli het müesse erläbe.

„Hesch guet häre gfunge?“ isch bi dere Foug dIstiegsfrag und tuet zTor uf zure zimlech witze Gschicht us Olis Arbeitsautag. Und immerno völlig echauffiert vor letschte Foug „S3#9 | Neus York“ slide mer nahtlos witer zu de Vorurteil und üser Liebi gägäüber Büezer. Zämehangslos rede mer när no über dReleases vom 2024 und ou erstunlech lang über dShirin David.