EuskaraAbentura udan itzuliko da aurten be, eta izen-emotea jada zabalik dago. Horregatik, Irune de la Maza EuskaraAbenturako kideagaz egon gara. Egitasmoak Euskal Herriko lurralde guztietako gazteak batzen dauz, herriz herri etapaka ibiliz eta euskararen erabilerea ardatz hartuta.

Irune de la Mazaren esanetan, helburua da gazteek hilabete batez 24 orduz euskaraz bizitzea, harreman-sare barriak sortzea eta lurraldea hobeto ezagutzea, errealidade desbardinetako jendea batuta. Parte hartu gura dabenek proiektu bat eta motibazio-bideo bat aurkeztu beharko dabe martiaren 2ra bitartean, EuskarAbenturaren webgunean proposatutako gaien artean bat aukeratuta. Ondoren, hautaketa egiten da eta taldeak osotuten dira. Hautatuen zerrendea apirlaren 22an plazaratuko dabe.