🚩EducationUSA Mongolia Podcast #55🚩

MASA болон EducationUSA Mongolia хөтөлбөрөөс хамтран хүргэдэг подкастын маань энэ удаагийн дугаарт АНУ-ын “Embry-Riddle Aeronautical University”-д бизнесийн удирдлагын магистрын зэрэг хамгаалсан Н. Батдарь оролцож сонирхолтой яриа өрнүүллээ. 

Тэрбээр Америкт суралцсан арвин их туршлагаасаа төдийгүй хэрхэн GMAT шалгалт өгсөн, хэрхэн мэргэжлээ сольж суралцсан түүхээсээ хуваалцсан билээ. Мөн тэрээр нисэхийн чиглэлээр суралцаж, ажилласан талаараа дэлгэрэнгүй ярьсан энэхүү дугаарыг та заавал сонсоорой!

🚩EducationUSA Mongolia Podcast #54🚩

Подкастын маань энэ удаагийн дугаарт  АНУ-ын “Brown School at Washington University in St. Louis”-д нийгмийн ажлын чиглэлээр  магистрын зэрэг хамгаалсан Д. Амараа уригдан оролцлоо.

Тэрбээр Америкт нийгмийн ажлын чиглэлээр суралцсан түүх, нийгмийн ажлын мэргэжлээрээ хийж байсан ажлын арвин их туршлага болоод мэргэжлээ хэрхэн сонгосон түүхээсээ хуваалцсан юм. Мөн Америкт суралцах хугацаандаа хийж байсан олон сайн дурын ажлуудын туршлага гэх мэт олон сонирхолтой сэдвээр бидэнтэй нээлттэй ярилцсан энэхүү дугаарыг та заавал сонсоорой.

🚩EducationUSA Mongolia Podcast #53🚩

Та шинэ сарыг шинэхэн подкаст сонсож эрч хүчтэй эхлүүлээрэй. Подкастын маань энэ удаагийн дугаарт  АНУ-ын “Drexel University”-д биологийн чиглэлээр  бакалаврын зэргээ хамгаалсан Э. Эрдэнэ уригдан оролцлоо.

Тэрбээр Америкт анагаахын чиглэлээр суралцахын давуу, сул талууд, суралцах хугацаандаа хийж байсан дадлага ажил, сайн дурын ажлууд болоод өндөр хөгжилтэй орнуудад суралцсан арвин их туршлага, түүхээсээ хуваалцсан юм.

Америкт анагаахын сургуульд суралцахаар төлөвлөж байгаа бол энэхүү подкастыг заавал сонсоорой!

🚩EducationUSA Mongolia Podcast #52🚩

MASA болон EducationUSA Mongolia хөтөлбөрөөс хамтран хүргэдэг подкастын маань энэ удаагийн дугаарт АНУ-ын “Oklahoma City University”-д бизнесийн удирдлага, санхүүгийн чиглэлээр магистр, “Harvard University”-д хуулийн чиглэлийн магистр буюу LLM зэргээ тус тус хамгаалсан Д. Золжаргал оролцлоо.

Тэрбээр Америкт суралцсан арвин их туршлагаасаа төдийгүй дэлхийн шилдэг их сургуульд тэнцэн орж, амжилттай суралцсан түүхээ хуваалцсан билээ. Мөн оюутан сурагчдад хандан тууштай байхын ач холбогдлын талаар бодитой, авууштай зөвлөгөөг ч өгсөн юм.

🚩EducationUSA Mongolia Podcast #51🚩

MASA болон EducationUSA Mongolia хөтөлбөрөөс хамтран хүргэдэг подкастын маань энэ удаагийн дугаарт АНУ-ын “The University of Arizona”-д магистр, “Cornell University”-д докторын зэргээ тус тус хамгаалсан П. Авралт-Од оролцлоо. Тэрбээр АНУ-ын Засгийн газрын 100% тэтгэлэгтэй Фулбрайт хөтөлбөрийн төгсөгч юм. Энэхүү подкастаас түүний эзэмшсэн мэргэжил болоод олон улсын байгууллагын хөгжлийн төсөл хөтөлбөрүүд дээр ажиллаж, тэтгэлгээр өндөр хөгжилтэй орнуудад суралцсан арвин их туршлага, түүхээсээ сонсоорой. Мөн АНУ-ын засгийн газрын Фулбрайт тэтгэлэгт хөтөлбөр одоогоор зарлагдсан байгаа тул та амжиж материалаа илгээгээрэй!

🚩EducationUSA Mongolia Podcast #50🚩

Шинэ долоо хоногийн шинэхэн подкаст та бүхэнд хүрэхэд бэлэн боллоо. Энэ удаагийн подкастдаа бид MASA буюу Америкт төгсөгчдийн холбооны Удирдах зөвлөлийн гишүүн Б. Энхболд-г урин оролцууллаа. АНУ-ын University of Massachusetts, Dartmouth-т суралцаж бизнесийн удирдлагын магистрын зэрэг эзэмшсэн тэрбээр АНУ-д хэрхэн сурсан түүхээсээ болон мэргэжил сонгохдоо юуг анхаарах, яагаад МАSA-д сайн дурын ажил хийх болсон талаараа  хуваалцсан юм.  Америкт бизнесийн удирдлагын чиглэлээр суралцахаар төлөвлөж байгаа бол энэхүү подкастыг заавал сонсоорой!

🚩EducationUSA Mongolia Podcast #49🚩

Та шинэ сарыг шинэхэн подкаст сонсож эрч хүчтэй эхлүүлээрэй. Подкастын маань энэ удаагийн дугаарт Фулбрайт тэтгэлэгт хөтөлбөрийн төгсөгч, MASA буюу Америкт төгсөгчдийн холбооны 2015-2016 оны Удирдах зөвлөлийн гишүүн Х. Наранбулаг оролцлоо. Тэрбээр АНУ-ын “University of Illinois at Chicago John Marshall Law School”-д хуулийн чиглэлээр магистрын зэрэг хамгаалсан юм. Х.Наранбулаг Фулбрайтын тэтгэлэгт хөтөлбөрийн тухай болон АНУ-д хуулийн чиглэлээр суралцсан өөрийн туршлагаасаа бидэнтэй нээлттэй хуваалцаж ярилцсан юм.

Америкт хуулийн сургуульд суралцахаар төлөвлөж байгаа бол энэхүү подкастыг заавал сонсоорой!

🚩EducationUSA Mongolia Podcast #48🚩

Подкаст цувралын шинэ дугаарт АНУ-ын Хавай мужийн “University of Hawaiʻi at Manoa”-д төрийн удирдлага болон эмэгтэйчүүд судлалын  чиглэлээр магистрын хөтөлбөрт суралцсан А. Цолмонтуяа уригдан оролцлоо. Тэрээр Азийн Хөгжлийн Банкны тэтгэлгээр хэрхэн Америкт суралцсан түүхээсээ төдийгүй хэрхэн мэргэжлээ сонгосон талаараа хуваалцсан юм. Одоогоор Азийн санд ажиллахын зэрэгцээ өөрийн төрийн бус байгууллагаараа дамжуулан гэр бүлийн хүчирхийллийн эсрэг олон үйл ажиллагааг зохион байгуулж  буй нэгэн юм. 

Тэрбээр Америкт дээд боловсрол эзэмшин суралцахад хамгийн чухал, хэрэгтэй чадваруудын талаар онцолсон байна.

🚩EducationUSA Mongolia Podcast #47🚩

Подкаст цувралын энэ долоо хоногийн шинэ дугаарт MASA буюу Америкт Төгсөгчдийн Холбооны үүсгэн байгуулагч С. Энх-Амгалан уригдан оролцлоо. Тэрбээр АНУ-ын Калифорни мужийн Монтерей хот дахь “Middlebury Institute of International Studies at Monterey”-д Фулбрайтын тэтгэлгээр суралцаж магистрын зэргээ хамгаалсан бөгөөд бидэнтэй Америкт төгсөгчдийн холбоог үүсгэн байгуулсан түүх төдийгүй Америкт суралцсан туршлагаасаа хуваалцсан юм. Монголын томоохон корпорацуудыг удирдсан туршлагатай тэрээр залууст хандан  технологитой дотно нөхөрлө, хатуу болон зөөлөн чадваруудаа сайтар хөгжүүл, хурдтай, тууштай бай гэх зөвлөгөөг ч өгсөн шүү. 

🚩EducationUSA Mongolia Podcast #46🚩

Подкаст цувралын энэ долоо хоногийн шинэ дугаарт АНУ-ын Вашингтон мужийн Сиэтл хотод байрлах Вашингтоны их сургуулийг нягтлан бодох мэргэжлээр суралцаж төгссөн Эрдэнэбилэгийн Уянга уригдан оролцлоо.  Тэрбээр Америкт суралцах хугацаанд өөрийн эзэмшсэн мэргэжил болоод суралцах хугацаандаа ямар чадваруудыг олж авсан, өнөөдрийн Уянгааг бүтээхэд ямар сорилтуудыг давж байсан гайхалтай түүхээсээ бидэнтэй хуваалцсан юм. Америкийн талаарх явахаас өмнөх түүний төсөөлөл болоод Community College-ийн талаар ч мэдээлэл өгсөн  энэхүү подкастыг та заавал сонсоорой.