مصنف:وینکٹا رامانا گوڈا برائے پرتھم اسٹوری ویور

کہانی گو:شکیلہ بانو

مدیر:شکیلہ بانو

مچھلیوں کے پاس ایک بڑا ریڈیو ہے لیکن چھوٹی مچھلیاں دادا مچھلی کو ریڈیو سننے کا موقع ہی نہیں دیتیں ۔ایک دن دادا مچھلی کو ریڈیو پر خبر سننے کا موقع مل جاتا ہے اور وہ خبر ان کے لئے بہت اہم تھی۔

اس کہانی کے ذریعے طلباء کو آبی جانداروں اور ان کے اقسام کے متعلق معلومات فراہم کی جاسکتی ہیں۔آپس میں اتحاد و اتفاق کی صلاحیت کو فروغ دیاجا سکتا ہے۔روزانہ اخبار پڑھنے کی عادت کو فروغ دیا جاسکتا ہے۔روزمرہ کے ہونے والے واقعات اور حالات سے با خبر رہنے کی عادت کو اجاگر کیا جا سکتا ہے۔طلباء میں مسائل کا حل تلاش کرنے جیسی خصوصیات کو اجاگر کیا جاسکتا ہے۔دوسروں کی مدد کرنے کے جذبے کو ابھارا جاسکتا ہے ۔طلباء کے ذخیرہ الفاظ میں اضافہ کیا جا سکتا ہے؟طلباءکو اردو وقواعد سے متعارف کرایا جا سکتا ہے۔ 
کہانی کی بنیاد پر طلباء سے درج ذیل سوالات پوچھے جا سکتے ہیں۔

1. طلباء کو اپنےالفاظ میں کہانی سنانے کو کہیں۔
2. طلباء سے زمینی اور آبی جانداروں کے متعلق معلومات دریافت کیجیے۔
3. طلباءکو روزمرہ سے جڑی خبریں سنانے کو کہیں۔
4. خبروں کی اقسام پر ان سے بحث کیجیے۔
5. طلباء سے دریافت کریں کہ کیا کبھی وہ کسی مسئلے میں الجھے ہیں اور وہ کس طرح اس سے باہر نکلے؟
6. کیا انہوں نے کبھی کسی کی کسی طرح کی بھی مدد کی ہے؟اور کیسے؟
   
    

مناسب درجہ: پرائمری
موضوع: ذخیرۂ الفاظ,زندگی کی مہارتیں,ہمدردی اور پرواہ کرنا
ٹیگ: جماعت اول,جماعت دوم,جماعت سوم,جماعت چہارم,جماعت پنجم
سرگرمی صفحہ