کتھے خجانے - اردو

"اپنے بالوں کی حفاظت میں" ایک مزاحیہ اور سبق آموز کہانی ہے جو ایک نوجوان طالب علم کی زندگی کے ایک دلچسپ واقعے پر مبنی ہے۔ کہانی کا مرکزی کردار ایک اسکول کا طالب علم ہے جو اپنے لمبے بالوں سے بہت محبت کرتا ہے اور انہیں کٹوانا نہیں چاہتا۔ 

مصنف: شیوا ہری ادھیکاربرائے پرتھم اسٹوری ویور
کہانی گو: عبداللہ مدثر
مدیر: ریاض احمد

یہ ایک ایسے شخص کی کہانی ہے جو دوسروں کے مشوروں پر عمل کرکے بہت نقصان اٹھاتا ہے۔

اس کہانی کے ذریعے طلباء میں تنقیدی و تجزیاتی صلاحیتوں کو فروغ دیا جا سکتا ہے۔طلباءکے ساتھ چند مسائل پر تبادلۂ خیال کیا جاسکتا ہے ۔ان کے ساتھ اپنے اطراف میں یا روزمرہ زندگی سے جڑےکچھ حالات پر بحث و مباحثہ کیا جا سکتا ہے۔طلباء میں حالات کا جائزہ لینے اور صحیح فیصلہ لینے کی صلاحیت کو فروغ دیا جا سکتا ہے۔باغبانی کی اہمیت پر تبادلہ خیال کیا جاسکتا ہے۔انہیں مختلف پھولوں اور ان کے ناموں سے متعارف کرایا جا سکتا ہے۔ماحول میں پائے جانے والے پودوں ،درختوں،پھولوں،پھلوں،جانوروں،،چرندوں ،پرندوں کی مختلف اقسام کے بارے میں بچوں سے گفتگو کریں۔
کہانی کی بنیاد پر ان سے چند سوالات پوچھیں مثلاً 

1. طلباء سے دریافت کریں کہ کیا انہیں پودے لگانا پسند ہے؟طلباء سے پوچھیں کہ جب وہ باغ یا پارک میں یا قدرتی جگہوں پر وقت گزارتے ہیں تو انہیں کیسا محسوس ہوتا ہے؟
2.  طلباء سے پوچھیں اگر وہ بدھی کی جگہ ہوتے تو وہ کیا کرتے؟
3. طلباء سے آرتھی کے بدھی کو دیے گئے مشوروں پر بحث کیجیے۔
4. طلباء سے کہیں کہ وہ پھولوں کے ناموں کی فہرست بنائیں اور اگر ممکن ہو تو مختلف پھولوں کی تصاویر اکٹھا کریں۔

مصنف : امبیکا راؤ برائے پرتھم استوری ویور
کہانی گو:  عائشہ طلعت
مدیر: عائشہ طلعت

یہ  مغربی گھاٹ کے جنگلوں میں ایک وائلڈ لائف فوٹو گرافر کی مسحور کردینے والی ایک جنگلی بلی کی تلاش کی دلچسپ کہانی  ہےجس میں وہ بے شمار جنگلی مخلوقات ملتا ہے ۔ یہ دلچسپ کہانی زندگی کے ذاتی تجربات سے ماخوذ ہے ۔ اس کہانی کی تصاویر اتنی ہی سچی لگتی ہیں جتنی کی یہ کہانی۔ آئیے ! آپ بھی چلئے اس بلی کی تلاش میں !

اس کہانی کے ذریعے طلباء میں تحقیقی صلاحیت کو فروغ دیا جا سکتا ہے۔مہم جوئی کے متعلق معلومات فراہم کی جاسکتی ہے۔طلباء کی جغرافیائی معلومات میں اضافہ کیا جاسکتا ہے۔جنگلات میں پائے جانے والے مختلف اقسام کے جانوروں کی معلومات دی جاسکتی ہے۔طلباء کو مختلف پیشوں سے متعارف کرایا جا سکتا ہے۔فطرت میں پائے جانے والے بے شمار عجیب و غریب مخلوق کے متعلق بحث و مباحثہ کیا جا سکتا ہے۔طلباء کو نئے نئے الفاظ سے متعارف کرایا جا سکتا ہے۔
 

1. کہانی کی بنیاد پر طلباء سے درج ذیل وسوالات پوچھے جاسکتے ہیں؟
2. طلباء کو اپنی زبان میں کہانی سنانے کو کہیں۔
3. طلباء سے دریافت کریں کہ انہوں نے اپنے اطراف کون کون سے جانور دیکھے ہیں؟
4. ان جانوروں کی خصوصیات دریافت کریں۔
5. طلباء سے پوچھیں کہ کہانی میں گھاٹ والی بلی کی خصوصیات کیا تھیں اور اسے وہ شخص کیوں تلاش رہا تھا؟
6. کہانی میں کون کون سے جانوروں کا ذکر کیا گیا ہے؟وغیرہ

مصنف: پارو آنند برائے پرتھم اسٹوری ویور
کہانی گو: سمر جہاں
مدیر: سمر جہاں

ببلو بھالو کی زندگی اُتار چڑھاؤسے بھری ہوئی ہے۔ وہ اُچھلتا کودتا آگے بڑھتا ہےسچ مچ اُچھلتا کودتا! آئیے اُس کے ساتھ جنگل کی سیر کریں اور ہمالہ کے ان بھالوؤں کے پوشیدہ رازوں کا پتہ لگائیں۔

اس کہانی کی ذریعے طلباء کو شمالی علاقوں نیز برفیلی علاقوں اور وہاں پائے جانے والے جانوروں سے متعلق معلومات فراہم کی جا سکتی ہے۔جنگلی جانوروں سے متعارف کرایا جا سکتا ہے۔مہم جوئی کے واقعات طلباء کو سنائے جا سکتے ہیں۔ان پر تبادلۂ خیال کیا جاسکتا ہے۔جنگلات اور اس کے اقسام پر بات کی جاسکتی ہے۔طلباء کے ذخیرۂ الفاظ میں اضافہ کیاجا سکتا ہے۔طلباء کی تنقیدی و تحقیقی صلاحیتوں کو فروغ دیا جا سکتا ہے۔انسان کےچاند پر پہچنے والے مہمات کا ذکر کرکے ان کی معلومات میں اضافہ کیا جا سکتا ہے۔پہاڑوں اور ان کی اہمیت پر تبادلۂ خیال کی جا سکتا ہے۔طلباء کی جغرافیائی اور سائنسی معلومات میں اضافہ کیا جاسکتا ہے۔
کہانی کی بنیاد پر طلباء سے درج ذیل سوالات کیے جا سکتے ہیں۔
 

1. طلباء سے معلوم کریں کہ کیاوہ کبھی برفیلی علاقوں میں گئے ہیں ؟انہیں اپنے تجربات پیش کرنے کو کہیں۔
2. کائنات میں موجود سیاروں سے متعلق طلباء کی معلومات دریافت کریں۔
3.  مختلف پہاڑوں اور پہاڑی علاقوں کے نام تلاش کرکے فہرست بنانے کو کہیں۔
4. پہاڑوں کی اہمیت پر اپنے خیالات پیش کرنے کو کہیں۔
5. چاند پر کس طرح پہنچا جا سکتا ہے اس کے لیے طلباء کو معلومات اکٹھا کرنے کو کہیں۔
6.  طلباء سے پوچھیں چاند پر پہلا قدم کس نے رکھا ؟اس مہم کی پوری تفصیل پر طلباء سے بات چیت کریں۔

مصنف:افسر میرٹھی

کہانی گو:بلقیس فاطمہ

مدیر:عائشہ صدیقہ

 یہ کہانی جاپان میں رہنے والے ایک بڈھے اور بڑھیا کی ہے جو ایک چڑے کے دوست تھے۔ چڑا روز ان کے گھر آتا، دانہ دنکا کھاتا اور ان کے ساتھ کھیلتا۔ ایک دن بدمزاج پڑوسن چڑے کی چونچ توڑ دیتی ہے جس سے بڈھے اور بڑھیا کو بہت رنج ہوتا ہے۔اور اس کی سزا اس بد مزاج عورت کو کس طرح ملتی ہے اس کا ذکر اس کہانی میں کیا گیا ہے۔

اس کہانی کے ذریعے طلباء کو دوستی، محبت، اور رحم دلی کی اہمیت کے بارے میں آگاہ کیا جا سکتا ہے۔ چڑے کے کردار کو مثال بنا کر انہیں سکھایا جا سکتا ہے کہ کس طرح سے مشکلات کا سامنا کرتے ہوئے اچھے برتاؤ کا مظاہرہ کیا جاتا ہے۔ اس کے علاوہ، کہانی کے ذریعے لالچ اور برے رویے کے نتائج سے بھی روشناس کرایا جاسکتاہے۔طلباء کو نئے نئے الفاظ سے متعارف کرایا جاسکتا ہے۔اردو قواعد سے روشناس کرایا جا سکتا ہے۔
کہانی کی بنیاد پر طلباء سے درج ذیل سوالات کیے جا سکتے ہیں

1.  طلباء سے دریافت کریں کہ ان کے خیال میں ایک اچھے دوست کی کیا خصوصیات ہونی چاہئیں؟
2. کیا انہوں نے کبھی کسی جانور کے ساتھ دوستی کی ہے؟ اس بارے میں ان کے تجربات سنیے۔
3. ان سے پوچھا جائے کہ اگر وہ بڈھے اور بڑھیا کی جگہ ہوتے تو چڑے کی مدد کیسے کرتے؟
4. طلباء کو کہانی کے مختلف مناظر کی تصویریں بنانے کے لیے کہا جائے، جس سے ان کی تخلیقی صلاحیتوں میں اضافہ ہوگا۔
5. طلباء سے چڑے اور پڑوسن کے رویے پر بحث کروائی جائے اور اس میں رحم دلی اور لالچ کے پہلوؤں پر زور دیا جائے۔

مصنف:نورالحسنین

کہانی گو:اسماء عالم

مدیر:اسماء عالم

کہانی ایک بچے گڈو میاں کی ہے جو اپنے آنگن میں موجود آم کے درخت سے بہت محبت کرتا ہے۔ گڈو میاں شرارتی اور نٹ کھٹ ہونے کے باوجود سب کے دلوں کا راج دلارے ہیں۔ آم کا درخت ان کے دادا جان کی نشانی ہے اور گڈو میاں کا سب سے عزیز دوست ہے۔ دونوں میں گہری دوستی ہے۔ پھر ایک دن اچانک ایسا کون سا واقعہ پیش آتا ہے جس سے گڈو میاں اور آم کا درخت جدا ہوجاتے ہیں ۔چلو دیکھیں!

اس کہانی کے ذریعےے طلباء کو دوستی، محبت، اور قدرتی ماحول کی حفاظت کے بارے میں سکھایا جا سکتا ہے۔ کہانی کے ذریعے طلباء میں شجرکاری کی اہمیت اجاگر کی جا سکتی ہے۔طلباء کو جذباتی و سماجی تعلیم فراہم کی جاسکتی ہے۔ ساتھ ہی طلباء کو فطرت اور درختوں کی اہمیت کے بارے میں معلومات فراہم کی جا سکتی ہے۔طلباء کو آم کے درخت کے بارے میں سائنسی حقائق بتائے جا سکتے ہیں جیسے کہ اس کی کتنی اقسام ہیں، وہ کس قسم کی مٹی میں اگتا ہے، اور اس کے پھل کی غذائی اہمیت کیا ہے۔طلباء کے ذخیرہ الفاظ میں اضافہ کیا جاسکتا ہے۔
کہانی کی بنیاد پر طلباء سے درج ذیل سوالات کیے جا سکتے ہیں۔

1. طلباء سے دریافت کریں کہ انہوں نے اپنے اطراف کون کون سے درخت دیکھے ہیں۔ان کی فہرست بنانے کو کہیں۔ 
2. طلباء کے ساتھ اسکول یا گھر کے باغ میں آم یا کسی اور درخت کی گٹھلی بوئیں اور ان کی دیکھ بھال کریں۔
3. طلباء کو درختوں کی دیکھ بھال کے بارے میں معلومات فراہم کریں اور انہیں بتائیں کہ درختوں کی دیکھ بھال کیسے کی جاتی ہے۔
4. طلباء سے ان کے جذبات کے بارے میں بات کریں جب وہ کسی عزیز چیز کو کھو دیتے ہیں۔
5. طلباء سے پوچھیں کہ ان کے دوست کون ہیں اور وہ ان کے ساتھ کیا کیا سرگرمیاں انجام دیتے ہیں۔
6. طلباء کو ایسی تصویری کہانی سنائیں جن میں آم کے درخت کی تصویریں شامل ہوں۔ تصویریں دیکھتے ہوئے بچے کہانی کو سنیں اور اس کے بعد اپنے الفاظ میں بیان کریں۔
7. طلباء سے کہیں کہ وہ اپنے پسندیدہ درخت کے بارے میں ایک کہانی سنائیں۔ اس میں وہ بتائیں کہ اس درخت کی کیا خصوصیات ہیں اور وہ کیوں ان کے لیے اہم ہے۔
8. طلباءکو آم کے درخت کی تصویریں بنانے دیں۔ وہ درخت کے پھل، پتوں اور شاخوں کو رنگین بنا سکتے ہیں اور کلاس روم میں سجا سکتے ہیں۔
9. طلباء کو دو گروپوں میں تقسیم کریں۔ ایک گروپ درختوں کی اہمیت کے بارے میں بات کرے اور دوسرا گروپ درختوں کی حفاظت کیسے کی جا سکتی ہے اس پر بحث کرے۔
    

مصنف: رکمنی بینرجی برائے پرتھ اسٹوری اسٹوری ویور
کہانی گو: بشری پروین   
مدیر: حسن ایاز

یہ کہانی ایک ایسی بچی کی ہے جسے کہانیاں سننے میں بے انتہا دلچسپی ہے مگر ہر کوئی اس کی اس دلچسپی کو نظرانداز کرتا ہے پھر ایک دن ایک لڑکی  اسے کہانیاں سنانا شروع کرتی ہے جس سے پورے شہر میں کہانیوں کا سیلاب آجاتا ہے پھر تمام لوگ کس طرح اس مسئلے کا حل نکالتے ہیں اس کا ذکر اس کہانی میں کیا گیا ہے۔

اس کہانی کے ذریعے طلباء میں کہانیوں کی اہمیت کو اجاگر کیا جاسکتا ہے۔ان کے خیالات و تصورات کو تقویت دی جا سکتی ہے ۔طلباء کے ساتھ موضوع کے اعتبار سے کہانیوں کی اقسام پر بحث کی جاسکتی ہے۔ذاتی طور پر کہانیاں تخلیق کرنے میں ان کی مدد کی جاسکتی ہے۔طلباء کی تنقیدی اور تجزیاتی صلاحیتوں کو فروغ دیا جاسکتا ہے ۔طلباء کے ذخیرۂ الفاظ میں اضافہ کیا جا سکتا ہے۔
کہانی کی بنیاد پر طلباء سے درج ذیل سوالات پوچھے جا سکتے ہیں۔

1.  کہانی کا عنوان "کہانیوں کا شہر" طلباء کو بتائیں اور ان سے پوچھیں کہ انہیں کیا لگتا ہے کہ کہانی میں کیا ہو سکتا ہے۔ اس بات پر بات کریں کہ ؟کہانیوں کا شہر کیسا ہوگا؟یا پھر کہانیوں کے شہر کے معنی کیا ہوسکتے ہیں ؟ 
2.  طلباء کو اپنی زبان میں کہانی سنانے کو کہیں
3. طلباء سے پوچھیں کہ کیا انہیں کہانیاں سننا پسند ہیں؟
4. انہیں کس طرح یا موضوع کی کہانیاں پسند ہیں؟
5. انہیں گھر میں کون کہانیاں سناتا ہے؟
6. کلاس کو کہانی بلند آواز میں پڑھ کر سنائیں۔ اہم مقامات پر رک کر سوالات پوچھیں جیسے "آپ کو کیا لگتا ہے کہ آگے کیا ہوگا؟" یا "آپ کے خیال میں شہر میں کہانی کے سیلاب آنے کی وجہ کیا تھی؟
7.  طلباء کے مطابق کہانی کا اختتام صحیح ہوا یا پھر کچھ اور ہونا چاہیے تھا۔
    

مصنف: مایا بسنیربرائے پرتھم اسٹوری ویور
کہانی گو: اسماء خاتون
مدیر: اسماء خاتون

یہ کہانی دو بچوں کی ہے جو میلے میں جاتے ہیں جہاں وہ ایک کھانے کے دو حصے کرکے کھانے کا لطف اٹھاتے ہیں۔

اس کہانی کے ذریعے طلباء میں ریاضی کی صلاحیتوں کو فروغ دیا جا سکتا ہے۔مثلاً کسر اور تقسیم وغیرہ کے تصورات کی تفہیم ۔کہانی کو حقیقی دنیا کی تعلیم سے جوڑ کر مسائل کا حل تلاش کرنا جیسی خصوصیات کو اجاگر کیا جاسکتا ہے۔ آپس میں اتحاد و اتفاق کی صلاحیت کو فروغ دیاجا سکتا ہے۔عدل و انصاف کی خصوصیات کو پروان چڑھایا جا سکتا ہے۔طلباء کے ذخیرہ الفاظ میں اضافہ کیا جا سکتا ہے۔طلباءکو اردو وقواعد سے متعارف کرایا جا سکتا ہے۔ تخلیقی صلاحیتوں اور تحریری مہارتوں کو فروغ دیا جاسکتا ہے ۔
کہانی کی بنیاد پر طلباء سے درج ذیل سوالات کیے جا سکتے ہیں۔

1. کہانی کا عنوان "ایک میں دو" طلباء کو بتائیں اور ان سے پوچھیں کہ انہیں کیا لگتا ہے کہ کہانی میں کیا ہو سکتا ہے۔ اس بات پر بات کریں کہ "ایک میں دو" کا کیا مطلب ہو سکتا ہے۔
2. طلباء کو کہانی اپنے الفاظ میں سنانے کو کہیں۔
3.  طلباء کو حقیقی زندگی سے جڑے سوالات جو ریاضی پر مبنی ہوں دیں اور ان کا حل تلاش کرنے کو کہیں۔
4. طلباء کو کردار تفویض کریں (جیسے مرکزی کردار اور دوسرے اہم کردار) اور کہانی کے مناظر کو ادا کریں۔ اس سے طلباء کہانی کے واقعات اور جذبات کوبہتر طور پر سمجھتے ہیں۔
5. کہانی سے کچھ مشکل یا نئے الفاظ متعارف کرائیں جیسے "مشکل"، "منصوبہ"، حیرت انگیز"، وغیرہ۔ ان کے معنی بتائیں اور جملوں میں استعمال کریں۔ آپ الفاظ کا چارٹ بھی بنا سکتے ہیں۔
6. میلے کے متعلق طلباء کی جانکاری حاصل کریں۔

مصنف:وینکٹا رامانا گوڈا برائے پرتھم اسٹوری ویور

کہانی گو:عبداللہ مدثر

مدیر:صبیحہ یاسمین

کوا  خوبصورت نہیں ہے اس کی نہ کوئل جیسی میٹھی آواز ہے اور نہ ہی اس میں مور جیسی چنچل اداہے۔لیکن اس میں ایک ایسی اہم خاصیت ہے جس سے ہم سبھی سبق حاصل کر سکتے ہیں اس کہانی کے ذریعے کوے کی اس خصوصیات کو دریافت کیجیے۔

اس کہانی کے ذریعے طلباء کو پرندوں کے نام اور ان کی خصوصیات کے متعلق معلومات فراہم کی جاسکتی ہے۔پرندوں کی آوازوں سے متعارف کرایا جا سکتا ہے۔آپسی اتحاد و اتفاق کا جذبہ بیدار کیا جاسکتا ہے۔زندگی میں محنت اور کوشش کی اہمیت پر تبادلہ خیال کیا جا سکتا ہے۔دوسروں کی مدد کرنے کے جذبے کو ابھارا جاسکتا ہے ۔طلباء کے ذخیرہ الفاظ میں اضافہ کیا جا سکتا ہے؟طلباءکو اردو وقواعد سے متعارف کرایا جا سکتا ہے۔ 
کہانی کی بنیاد پر طلباء سے درج ذیل سوالات پوچھے جا سکتے ہیں۔

1. طلباء کو اپنی زبان میں کہانی بیان کرنے کو کہیں۔
2. پرندوں سے متعلق طلباء کی معلومات کو دریافت کریں۔
3. پرندوں اور ان کی خصوصیات پر تبادلہ خیال کریں۔
4. اپنے آس پاس نظر آنے والے پرندوں کی فہرست بنانے کو کہیں۔

 مصنف: ڈاکٹر ذاکر حسین
کہانی گو: بلقیس فاطمہ
مدیر: نشاط فاطمہ

یہ کہانی ایک پوری کی ہے جو کڑھائی سے نکل کر بھاگ جاتی ہے اور راستے میں مختلف کرداروں سے ملتی ہے اور اپنی عقلمندی  سے سب کو دھوکہ دے کر آگے بڑھتی جاتی ہے۔

اس کہانی کے ذریعے طلباء کو محنت، عقلمندی، اور حوصلے کی اہمیت کے بارے میں آگاہ کیا جا سکتا ہے۔ پوری کے کردار کو مثال بنا کر انہیں سکھایا جا سکتا ہے کہ مشکلات کے باوجود حوصلہ نہ ہاریں اور اپنی عقلمندی سے مشکل حالات کا سامنا کریں۔ اس کے علاوہ، کہانی لالچ اور برے رویے کے نتائج سے بھی روشناس کراتی ہے۔طلباء کے ذخیرۂ الفاظ میں اضافہ کیا جا سکتا ہے۔اردو قواعد سے متعارف کرایا جا سکتا ہے۔
کہانی کی بنیاد پر طلباء سے درج ذیل سوالات کیے جا سکتے ہیں

1.  طلباء سے دریافت کریں کہ کیا انہوں نے کبھی کوئی ایسی صورت حال دیکھی ہے جہاں کسی نے عقلمندی سے مشکل کو حل کیا ہو؟
2.  کیا انہوں نے کبھی اپنے دوستوں یا خاندان کے ساتھ کوئی مزاحیہ یا دلچسپ واقعہ شیئر کیا ہے؟
3.  ان سے پوچھا جائے کہ اگر وہ پوری کی جگہ ہوتے تو مختلف کرداروں کے ساتھ کیسے نبرد آزما ہوتے؟
4.  طلباء کو کہانی کے مختلف مناظر کی تصویریں بنانے کے لیے کہا جائے، جس سے ان کی تخلیقی صلاحیتوں میں اضافہ ہوگا۔
5. طلباء سے پوری کی عقلمندی اور مختلف کرداروں کے رویے پر بحث کروائی جائے اور اس میں حوصلہ اور محنت کے پہلوؤں پر زور دیا جائے۔
6. طلباء کو گروپ میں بانٹ کر پوری کی خصوصیات اور اس کے فیصلوں پر تبادلہ خیال کروایا جائے۔ اس سے ان کے تنقیدی سوچنے کی صلاحیت میں اضافہ ہوگا۔
   ان سرگرمیوں کے ذریعے طلباء نہ صرف کہانی سے لطف اندوز ہوں گے بلکہ ان کی تعلیمی اور سماجی مہارتوں میں بھی بہتری آئے گی۔