Kaž póndźelu z wašnjom zhladujemy hłownje wróćo na zašły kónc tydźenja: słyšiće wurězk z njedźele wo Mariji Kubašec, sportowe wuslědki a měnjenje Katki Pöpelec - wona je sebi operu "Krabat" sobotu w NSLDź wobhladała.

Jedneho z prěnich serbskich komponistow, kiž je zdokonjał začuća nalěća do hudźby přenjesć, słyšimy dźensa w druhej snědani. Słyšimy pak tež dźěći z instrumentami a naš serijal WWW.

Wěnujemy so najwšelakorišim temam: předstajimy wam strašny trend w socialnych syćach, zhladujemy hišće raz na jutry a tež wo škiće klimy rěčimy.

Wčera běše swětowy dźeń strowoty a tak smy so was prašeli: što činiće za wašu wosobinsku strowotu? Na dźensnišim mjezynarodnym dnju Sintow a Romow zaběramy so tež z najwjetšej mjeńšinu Europy.

Po jutrach so w Serbach poměrnje spěšnje wšitko zaso zrumuje a wurjedźi - my běchmy pódla. Zhladujemy pak tež hišće raz wróćo na jutrowne procesiony.

Dźeń do jutrońčki zaběramy so wězo z křižerskimi procesionami. Wothladajo wot toho předstajimy wam tež alternatiwne poskitki, na kotrež móžeće sej jutře dojěć. Druha snědań přeje žohnowane jutry!

Na dźensnišim zelenym štwórtku zaběramy so wězo z jutrami a prašenjom, kak so konjam poprawom tele dny takle wjedźe. Tež dalše prašenje je tema: Bywa křižerstwo dźeń a bóle z luksusom?

Kak so poprawom staršim nowačkow, křižerjow, do jutrow wjedźe a z kotrymi začućemi zhladuja na podawk? Wotmołwu na tute prašenje słyšiće dźensa w druhej snědani.

25. raz je so wčera w Budyšinje swětowy dźeń šulerskeho dźiwadła wotměł - to smy sej wobhladali. Nimo toho wěnujemy so jutram a wětrnikej, kiž je so w nocy na póndźelu mjez Chrósćicami a Zejicami palił.

Zaběramy so z wědomosću a slědźenjom, kaž tež z motocrossom a sportom we Łužicy. Nimo toho poběchmy na 22. čitanskim wubědźowanju w Smolerjec kniharni.